Արմինֆո.Բրիտանական Shell նավթագազային ընկերությունը մուտք կգործի հայկական շուկա։ Այդ մասին Հանրային հեռուստատեսությանը հարցազրույցում հաղորդել է ՀՀ էկոնոմիկայի նախարար Վահան Քերոբյանը։
Մասնավորապես, նրա ասելով, արդեն մարտին ընկերությունը Հայաստանում կբացի 3 ժամանակակից բենզալցակայան։ «Մենք բավականին երկար աշխատանք ենք տարել ընկերության հետ։ Շատ դժվար էր նրանց մուտքը, հաշվի առնելով այն սահմանափակումները, որ վառելիքը պետք է ներմուծվի Եվրոպայից", - ասել է նախարարը։
Նա ընդգծել է, որ Shell-ը կմրցակցի ավելի ցածր արտադրողականությամբ տեղական ճյյուղային ընկերությունների հետ, որոնք այդ մրցակցությանը դիմակայելու համար պետք է հնարավորինս սեղմ ժամկետներում վերափոխվեն:
Հաշվի առնելով, որ Shell-ն աշխատում է բարձր չափանիշներով, Քերոբյանի խոսքով, ընկերությունն, ընդհանուր առմամբ, կփոխի ոլորտը եւ կնպաստի մրցունակության բարձրացմանը:
Նշենք, որ Shell-ը նավթագազային խոշորագույն ընկերություններից մեկն է, որն զբաղվում է նավթի եւ գազի արդյունահանմամբ եւ վերամշակմամբ ողջ աշխարհում:
Անդրազգային կորպորացիան (TNC), որի կենտրոնակայանը գտնվում է Լոնդոնում, հետախուզում է նոր հանքավայրեր, իրականացնում է նավթի ու գազի արդյունահանում եւ փոխադրում, ներառյալ թերթաքարային հանքավայրերը, մասնակցում է հեղուկացված գազի արտադրության նախագծերին: Ունի ծավալված առևտրային ցանց: Մասնակցում է նաև կանաչ նախագծերին' քամու և արևի միջոցով էներգիայի արդյունահանում, ինչպես նաև կենսավառելիքի ստեղծում:
Ըստ Forbes-ի ՝ Shell-ը 2022 թվականին զբաղեցրել է 16-րդ տեղը աշխարհի խոշորագույն հանրային ընկերությունների շարքում։ Ընկերության տվյալներով՝ 2021 թվականի դեկտեմբերի դրությամբ նրա 82,000 աշխատակիցներ աշխատել են աշխարհի ավելի քան 70 երկրներում։
RUB | 4.17 | -0.01 |
USD | 387.32 | -0.13 |
EUR | 432.44 | 0.24 |
GBP | 518.62 | 0.21 |
CAD | 287.39 | -0.33 |
JPY | 27.04 | 0.20 |
CNY | 55.24 | -0.02 |
CHF | 459.07 | 2.01 |