Արմինֆո.ՀՀ էկոնոմիկայի նախարար Վահան Քերոբյանի, ՀՀ ֆինանսների նախարար Վահե Հովհաննիսյանի, ՀՀ տարածքային կառավարման և ենթակառուցվածքների նախարար Գնել Սանոսյանի և ՀՀ կենտրոնական բանկի նախագահ Մարտին Գալստյանի հետ իր հանդիպումներում Հայաստանում ԱՄՆ դեսպան Քրիստինա Քվինն ընդգծել է, որ Միացյալ Նահանգները պատրաստ է աջակցել Հայաստանի տնտեսական զարգացմանը և Հայաստանի ժողովրդի համար առավել պայծառ տնտեսական ապագա կերտելու ջանքերին։ Այդ մասին ասվում է Հայաստանում ԱՄՆ դեսպանության հաղորդագրությունում: «Անվտանգ ու բարեկեցիկ Հայաստանը երկուստեք շահեկան է մեր երկրների համար», - ընդգծվում է հաղորդագրությունում։
Նշենք, որ ՀՀ վիճակագրական կոմիտեի տվյալներով՝ Հայաստանի և ԱՄՆ-ի միջև առևտրաշրջանառությունը 2022 թվականին աճել է 2.2 անգամ՝ կազմելով 464.7 մլն դոլար։ Ընդ որում, արտահանումը կրճատվել Է 4,4 տոկոսով՝ մինչեւ 78,2 մլն դոլար, մինչդեռ, ներմուծումը 3,1 անգամ աճ է գրանցել՝ մինչեւ 386,5 մլն դոլար:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |