Արմինֆո.ՀՀ կառավարությունը մարտի 9-ին հավանություն է տվել Եվրասիական զարգացման բանկի (ԵԱԶԲ) կանոնադրական կապիտալում Ռուսաստանի Դաշնության մասնաբաժնի առքուվաճառքի մասին համաձայնագրի ստորագրմանը:
Նախագծի հիմնավորման մեջ նշվում է, որ ներկայումս ԵԱԶԲ - ի կանոնադրական կապիտալը կազմում է 7 միլիարդ ԱՄՆ դոլար, որից վճարված կապիտալը' 1,5 միլիարդ, իսկ ցպահանջ կապիտալը' 5,5 միլիարդ ԱՄՆ դոլար:
Հայաստանի Հանրապետությունը Եվրասիական զարգացման բանկի լիիրավ անդամ է դարձել 2009թ.ապրիլին: Հայաստանի ներդրումը բանկի կապիտալում կազմում է 100 հազար ԱՄՆ դոլար: ՀՀ մասնաբաժինը կազմում է 0,007% ։ Կանոնադրական կապիտալի յուրաքանչյուր բաժնետոմսի արժեքը 1000 ԱՄՆ դոլար է, իսկ վճարված յուրաքանչյուր բաժնետոմս համապատասխանում է մեկ ձայնի:
Ներկայումս ԵԱԶԲ-ի ներդրումային պորտֆելի ծավալը, հաշվի առնելով իրականացված ծրագրերը, կազմում է 13,4 մլրդ ԱՄՆ դոլար, որից 484,2 մլն ԱՄՆ դոլարը տրամադրվել է Հայաստանին 23 նախագծերի շրջանակներում:
"64 մլն դոլար արժողությամբ 64 հազար բաժնետոմս ձեռք բերելուց հետո Հայաստանի մասնաբաժինը ԵԱԶԲ - ի կապիտալում կկազմի 4,22 տոկոս", - ասվում է փաստաթղթում:
Հունվարին հաղորդվել էր, որ Եվրասիական զարգացման բանկի (ԵԱԶԲ) խորհուրդը միաձայն հավանություն է տվել մասնակից պետությունների միջև կանոնադրական կապիտալի վերաբաշխմանը։ <Ռուսաստանի Դաշնությանը պատկանող բաժնետոմսերի փաթեթի մի մասը, որը կազմում է 321,151 բաժնետոմս բանկի վճարված կանոնադրական կապիտալում, հավասարաչափ վերաբաշխվում է մյուս մասնակից պետությունների միջև: Արդյունքում՝ Ռուսաստանի Դաշնության մասնաբաժինը ԵԱԶԲ - ում նվազում է 65,9761-ից մինչև 44,7878%", - ասվում է բանկի հաղորդագրության մեջ: Նշվել է, որ ԵԱԶԲ-ի կանոնադրական կապիտալում վերաբաշխման արդյունքում մասնակից պետությունների մասնաբաժինները կազմել են. Ղազախստան՝ 37,29%, Հայաստան՝ 4,23%, Ղրղզստան՝ 4,23%, Բելառուս՝ 5,2%, Տաջիկստան՝ 4,25%:
ԵԱԶԲ-ն ստեղծել են Ռուսաստանն ու Ղազախստանը 2006 թվականին, բանկի կենտրոնակայանը գտնվում է Ալմաթիում ։ 2009-ին բանկի հիմնադրման մասին համաձայնագրին միացել են Հայաստանն ու Տաջիկստանը, 2010 - ին' Բելառուսը, մեկ տարի անց' Ղրղզստանը: ԵԱԶԲ-ի կանոնադրական կապիտալը կազմում է 7 մլրդ դոլար: Բանկը ֆինանսավորում է նախագծեր տրանսպորտի, թվային համակարգերի, կանաչ էներգետիկայի և այլ ոլորտներում:
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ՊԵԿ կայքում կարելի է գտնել տրանսպորտային միջոցի մասին ամբողջական տեղեկատվություն VIN համարով
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված