Արմինֆո.Էկոնոմիկայի նախարար Վահան Քերոբյանը մարտի 23-ին ընդունել է Հայաստանի Հանրապետությունում Բրազիլիայի Դաշնային Հանրապետության արտակարգ և լիազոր դեսպան Ֆաբիո Վազ Պիտալուգային: Հանդիպմանը ներկա էր նաև նախարարի տեղակալ Արման Խոջոյանը։
Նախարարության հաղորդագրության համաձայն, Վահան Քերոբյանը հյուրերին ներկայացրել է տնտեսության ոլորտի ձեռքբերումներն ու առաջնահերթությունները և անդրադարձել պետության կողմից իրականացվող ծրագրերին, մասնավորապես՝ Տնտեսության արդիականացման միջոցառմանը և ՀՀ-ում գյուղատնտեսական նշանակության հողերի միավորման (կոնսոլիդացիայի) աջակցության 2023-2025 թվականների ծրագրին։
Հանդիպման ընթացքում կողմերը քննարկել են հայ-բրազիլական առևտրատնտեսական կապերի ամրապնդմանը, գյուղատնտեսության ոլորտում համագործակցության խորացմանը վերաբերող մի շարք հարցեր։ Առանձին անդրադարձ է կատարվել արտահանման և ներդրումային հնարավորություններին։
Նախարարը համոզմունք է հայտնել, որ Հայաստանը Բրազիլիայի համար կարող է կամուրջ հանդիսանալ բրազիլական արտադրանքը դեպի այլ երկրներ արտահանելու համար։
Նշենք, որ ՀՀ վիճակագրական կոմիտեի տվյալներով ՝ 2022 թվականին Հայաստանի և Բրազիլիայի միջև առևտրաշրջանառությունը կազմել է 84.3 մլն դոլար, ինչը 53.4% - ով գերազանցում է նախորդ տարվա ցուցանիշը։ Մասնավորապես, արտահանումն աճել է 8 անգամ՝ մինչեւ 285.6 հազար դոլար՝ ներմուծման 53 տոկոս՝ մինչեւ 84 մլն դոլար աճի դեպքում։
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |