Արմինֆո.Հունիսի 2-ից 4-ը Կարեն Դեմիրճյանի անվան մարզահամերգային համալիրում տեղի կունենա LEASING EXPO 2023-ը: Այդ մասին ֆեյսբուքյան իր էջում հաղորդել է ՀՀ էկոնոմիկայի փոխնախարար Արման Խոջոյանը։
«Կառավարության կողմից իրականցվում է 3 ծրագիր լիզինգի պրոդուկտի միջոցով, որոնց գործող ընդհանուր ծավալը կազմում է 106 մլրդ դրամ: Այս ծրագրերը հնարավորություն են տալիս ֆիզիկական և իրավաբանական անձանց վերազինել իրենց արտադրական կարողությունները, ձեռք բերել գյուղ. տեխնիկա, նվազեցնել արտադրական ծախսերը և ունենալ մրցունակ արտադրանք:
Ծրագրերն են՝
- Գյուղատնտեսական տեխնիկայի լիզինգի սուբսիդավորման:
- Ագրոպարենային ոլորտի սարքավորումների լիզինգի աջակցության:
- Տնտեսության արդիականացման միջոցառում», - գրել է փոխնախարարը:
Հավելենք, որ LEASING EXPO 2023-ը հնարավորություն կընձեռի ծանոթանալ տեղական և միջազգային շուկայի տեխնիկական և տեխնոլոգիական նորարարություններին և առաջարկներին, ձեռք բերել վերջին սերնդի նորագույն սարքավորումներ հատուկ առաջարկներով և ստեղծել շահավետ համագործակցություն: Ցուցահանդեսին կմասնակցեն գյուղատնտեսական տեխնիկա, արևային վահանակներ, տրանսպորտային միջոցներ, շինարարական տեխնիկա, արդյունաբերական տեխնիկա, բժշկական սարքավորումներ, օդափոխման համակարգեր, ջերմոցային տնտեսությունների սարքավորումներ արտադրողներ, ֆինանսական կազմակերպություններ և այլն:
Որպես ցուցահանդեսի կազմակերպիչներ հանդես են գալիս Big Projects ՍՊԸ-ն և Հայաստանի լիզինգատուների ասոցիացիան:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |