Արմինֆո. ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը մայիսի 16-ին ընդունել է Գերմանիայի միջազգային համագործակցության ընկերության (ԳՄՀԸ) ներկայացուցիչներին, ովքեր Հայաստան են ժամանել Գերմանիայի տնտեսական համագործակցության և զարգացման դաշնային նախարարության պատվիրակմամբ Հայաստանում նոր երկկողմ ծրագրի պլանավորման, կարիքների ու առաջնահերթությունների հատկորոշման նպատակով:
Ինչպես հաղորդում է ՏԿԵՆ մամուլի ծառայությունը, 2024 թվականին մեկնարկող երկկողմ ծրագրի նպատակն է աջակցել ՀՀ-ում տեղական ինքնակառավարման համակարգի հզորացմանն ու ՀՀ համայնքներին արդյունավետ և քաղաքացիակենտրոն տեղական զարգացման պլանավորմանն ու իրականացմանը, տեղական ինքնակառավարման ոլորտում պետական քաղաքականության մշակմանը, համայնքային դերակատարների կարողությունների բարելավմանն ու տեղական սոցիալ-տնտեսական զարգացմանը:
Վաչե Տերտերյանն իր խոսքում ընդգծել է Գերմանիայի հետ երկկողմ հարաբերությունների կարևորությունն ու Հայաստանի համայնքների զարգացման ոլորտում ԳՄՀԸ ցուցաբերած աջակցությունն ու բազմամյա համագործակցությունը, մասնավորապես՝ ներկայումս Գերմանիայի և Շվեյցարիայի կառավարությունների կողմից համաֆինանսավորվող «Լավ կառավարում հանուն տեղական զարգացման Հարավային Կովկասում» ծրագրի շրջանակներում:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |