Արմինֆո. Բաթումից դեպի Նովոռոսիյսկ կանոնավոր ծովային փոխադրումների մեկնարկի մասին ԶԼՄ-ներում հրապարակված տեղեկատվությունն իրականությանը չի համապատասխանում։ Այդ մասին հաղորդում է «Փրայմ»-ը՝ վկայակոչելով Վրաստանի ծովային տրանսպորտի գործակալության հաղորդագրությանը։
Ավելի վաղ սոցիալական ցանցերում Հայաստանի էկոնոմիկայի նախարարության էջում հաղորդագրություն էր հայտնվել այն մասին, որ գործարկվել է Բաթում-Նովոռոսիյսկ երթուղով ծովային բեռնափոխադրում: Ընդ որում, նշվել է, որ իրականացվել է կոնտեյներների փորձնական ծովային փոխադրում։
"Հայկական առանձին ԶԼՄ - ների տարածած տեղեկատվությունը ապրիլից Բաթումից Ռուսաստանի Նովոռոսիյսկ քաղաք կանոնավոր ծովային փոխադրումների մեկնարկի մասին մեկնաբանված է և չի համապատասխանում իրականությանը", - ասված է հաղորդագրության մեջ, որը հրապարակվել է սոցցանցում գործակալության պաշտոնական էջում:
Գործակալությունում հաղորդել են, որ ապրիլին Պալաուի դրոշի ներքո Haci Musa Ucak նավը, իրոք, երկու առեւտրային չվերթ է իրականացրել Բաթումի եւ Նովոռոսիյսկի միջեւ: Ընդ որում, գործակալությունը նշում է, որ դրանք ոչ թե կանոնավոր, այլ առեւտրային բնույթի չվերթներ են, որոնք իրականացվում են համակարգված: "Տվյալ նավի սեփականատեր ընկերությունը ներառված չէ պատժամիջոցների ցանկում և շարունակում է առևտրային չվերթներ իրականացնել։ Ինչ վերաբերում է բեռին, ապա այն ամբողջությամբ տարանցիկ է և նախատեսված է Հայաստանի համար", - նշել է գործակալությունը։ Ֆինանսների նախարարությունը և Ծովային տրանսպորտի գործակալությունը մշտական ռեժիմով իրկանացնում են ինչպես նավերի, այնպես էլ դրանց տերերի մոնիթորինգ պատժամիջոցների առնչությամբ, հավելել են գերատեսչությունում:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |