Արմինֆո. FLYONE ARMENIA ավիաընկերությունը հունիսի 6-ից ուղիղ ավիահաղորդակցություն է սկսում Երևան-Թեհրան-Երևան ուղղությամբ: Այդ մասին ասվում է ավիաընկերության պաշտոնական հաղորդագրության մեջ։
Մասնավորապես, ըստ աղբյուրի, կիրականացվի շաբաթական չորս չվերթ՝ երկուշաբթի, երեքշաբթի, չորեքշաբթի և ուրբաթ օրերին:
Տոմսերը կարելի է ձեռք բերել flyone.am կայքում, FLYONE բջջային հավելվածում, ինչպես նաև գործընկեր ընկերությունների գրասենյակներում:
Հիշեցնենք, որ FLYONE ARMENIA-ն (www.flyone.am) հիմնադրվել է 2021 թվականին։ ՀՀ քաղաքացիական ավիացիայի կոմիտեն 2021թ. հոկտեմբերին ընկերությանը տրամադրել է օդանավ շահագործողի վկայական: Ընկերությունը ստացել է IATA 3F երկնիշ կոդ և ICAO FIE եռանիշ կոդ: Ավիաընկերության նավատորմը բաղկացած է Airbus A320 ընտանիքի ինքնաթիռներից, որոնք նախատեսված են 180 տեղի համար, եւ Airbus A319 ՝ 144 տեղի համար, որոնք համապատասխանում են օդային տրանսպորտի միջազգային ասոցիացիայի (IATA) և անվտանգության EASA-ի բոլոր ստանդարտներին:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |