Արմինֆո.Արդշինբանկը Հայաստանի Հանրապետության ռեզիդենտ ՓՄՁ-ներին, այդ թվում՝ գյուղատնտեսությամբ զբաղվողներին, առաջարկում է ավելի շահավետ պայմաններով երկարաժամկետ վարկավորման հնարավորություն։
Վարկերը տրամադրվում են հիմնական և շրջանառու միջոցների ձեռքբերման, կրեդիտորական պարտքերի մարման, այդ թվում՝ այլ ֆինանսական հաստատություններում կամ հենց Արդշինբանկում առկա վարկերի վերաֆինանսավորման, ինչպես նաև բիզնեսի զարգացման այլ նպատակներով:
Բանկը տրամադրում է վարկերը երկարաժամկետ՝ մինչև 15 տարի մարման ժամկետով, մինչև 50 մլն ՀՀ դրամի կամ 100,000 ԱՄՆ դոլար/եվրո համարժեք չափով: Միաժամանակ, վարկառուներին տրվում է մինչև 12 ամիս մարման արտոնյալ ժամկետ մայր գումարի մարման համար, և հաշվի առնելով բիզնեսի սեզոնայնությունը, մշակվում է մայր գումարի մարման անհատական ժամանակացույց։
«Վարկ տրամադրելու որոշումը կայացվում է շատ արագ՝ 3 աշխատանքային օրվա ընթացքում, բացի այդ, որոշումը կայացվում է վարկառուի բիզնեսի պարզեցված վերլուծությամբ, ինչը զգալիորեն կրճատում է վարկի տրամադրման ժամանակը և հեշտացնում է դրա տրամադրման կարգը»,- հայտնում է Արդշինբանկի մամուլի ծառայությունը։
«Պարզ» վարկի առցանց հայտ կարելի է ներկայացնել հետևյալ հղմամբ. https://www.ardshinbank.am/content/simple , իսկ տրամադրման պայմանների մասին առավել մանրամասն ծանոթանալ. https://bit.ly/43zmQTA
RUB | 4.24 | 0.04 |
USD | 387.64 | -0.37 |
EUR | 417.91 | -0.33 |
GBP | 485.83 | -0.42 |
CAD | 283.42 | -0.19 |
JPY | 24.87 | -0.04 |
CNY | 53.58 | -0.13 |
CHF | 427.48 | -0.46 |