Team Telecom Armenia-ի ռազմավարությունը. Սա դեռ սկիզբն է

Արմինֆո.Միայն այս տարի, այսքան կարճ ժամանակահատվածում, Team Telecom Armenia հեռահաղորդակցության ընկերությունը հասցրել է բեկումնային քայլեր կատարել հայրենական հեռահաղորդակցության շուկայում, հայտարարելով, նախ, ընկերությունների խմբի մասին (Team Pay, Team Solutions, Team Systems և buy.am), որին հաջորդեց խոշոր վրացական հեռահաղորդակցության ընկերության (SkyTel) բաժնետոմսերի գնումը, եւ, ի վերջո, ելք դեպի IPO: Վերջին իրադարձությունը Հայաստանի համար աննախադեպ է, քանի որ առաջին անգամ երկրի կապիտալի շուկա մուտք գործեց հեռահաղորդակցային ընկերությունը' ֆոնդային բորսայում տեղաբաշխելով 40 մլն բաժնետոմսերի թողարկում' 8 մլրդ 240 մլն դրամ ընդհանուր ծավալով:

Ընկերության IPO դուրս գալուն նվիրված միջոցառման շրջանակներում ԱրմԻնֆո-ի թղթակցի հետ զրույցում Team Telecom Armenia-ի գլխավոր տնօրեն Հայկ Եսայանը նշել է, որ այդ բոլոր քայլերը ռազմավարության մասն են, որի վերջնական նպատակն է դառնալ Հայաստանի հեռահաղորդակցության առաջատար օպերատոր, ընդգրկելով ոչ միայն Երևանն ու խոշոր քաղաքները, այլև գյուղական բնակավայրերը:

Խոսելով IPO - ի հիմնական նպատակների մասին՝ Եսայանը նշել է , որ խոսքը ոչ միայն միջոցների ներգրավման մասին է, որոնք ուղղվելու են կապիտալ ծախսերին, օպտիկամանրաթելային ցանցի, 4G, 5G ցանցերի զարգացմանը, այլ իրեն դիրքավորելու և թափանցիկ, բաց ընկերություն լինելու ցանկությունը:

«Ընկերությունները կարող են պատրաստ չլինել թափանցիկության այդ մակարդակին: Իսկապես, մեր կյանքը դրանով բարդանում է, բայց, իրականում, մենք միայն ուժեղանում ենք, քանի որ թիմն աճում է», - ասել է նա։

Կապիտալի շուկա դուրս գալու որոշման համար հիմնականը, նրա խոսքով, ընկերության աճի բարձր տեմպերն էին։ Այդ առնչությամբ Եսայանը նշել է, որ եթե 2020 թվականին EBITDA ցուցանիշը կազմել է 6.5 մլրդ դրամ, ապա 2022 թվականին աճել է մինչեւ 12.5 մլրդ դրամ։

Բացի այդ, նա հաղորդել է ընկերության ծածկույթի ավելացման մասին։ «Մենք վերջերս մտանք Բյուրեղավան քաղաք, որտեղ ձեռնամուխ եղանք մեր FTTH ցանցի կառուցմանը: Ընդհանուր առմամբ, այնտեղ կա 2 200 բնակարան, որոնց 12%-ն արդեն դարձել են մեր բաժանորդները։ Միջին հաշվով, ընկերության՝ այս կամ այն բնակավայր առաջին անգամ մուտք գործելիս մենք անմիջապես ներգրավում ենք բաժանորդների ավելի քան 10% - ը, ինչը մեզ թույլ է տալիս արագ աճել», - նշել է նա։

Ընդ որում, չբացահայտելով մանրամասները, Team Telecom Armenia-ի ղեկավարը հաղորդել է, որ այսքանով ընկերության ռազմավարական քայլերն իրենց չեն սպառել, եւ շուտով հայտնի կդառնա դրված նպատակներին հասնելու համար նոր նախաձեռնությունների մասին:

«Մենք ցանկանում ենք Հայաստանում ունենալ արագ զարգացող հեռահաղորդակցություն: Եւ, վստահ եմ, որ առաջիկա տարիներին կդառնանք շուկայի առաջատարը», - ասել է նա։

Team Telecom Armenia-ի բաժնետոմսերի տեղաբաշխման կազմակերպիչն է "Ամերիաբանկ" ՓԲԸ-ը: "Ամերիաբանկի" գլխավոր տնօրեն Արտակ Հանեսյանը միջոցառման շրջանակներում հույս է հայտնել, որ Team Telecom Armenia-ի շնորհիվ Հայաստանի կապիտալի շուկան էլ ավելի կակտիվանա:

Նա հաղորդել է, որ Ամերիաբանկի MyInvest հարթակի շնորհիվ բոլոր ցանկացողները առցանց ձևաչափով կարող են ձեռք բերել հեռահաղորդակցության ընկերության բաժնետոմսերը և վաճառել:

Բանկի ղեկավարը, չբացահայտելով որևէ ցուցանիշ, նշել է, որ արդեն այս պահին Team Telecom Armenia-ի բաժնետոմսերի նկատմամբ մեծ հետաքրքրություն կա, և ցանկացողների ցանկը բավականին դիվերսիֆիկացված է: Այս կապակցությամբ Հանեսյանը համոզմունք է հայտնել, որ բաժնետոմսերին առնչվող գործարքները կավարտվեն նախատեսված ժամկետից շուտ:

Հիշեցնենք, որ այս տարվա սկզբին Հայաստանի հեռահաղորդակցության օպերատոր "Telecom Armenia" ԲԲԸ - ն հայտարարել էր IPO-ի դուրս գալու և 8.240 մլրդ դրամ ծավալով "Ա" դասի 40 մլն հասարակ անվանական բաժնետոմսերի թողարկման մասին: Մեկ բաժնետոմսի անվանական արժեքը 100 դրամ է, իսկ տեղաբաշխման գինը սահմանվել է 206 դրամ:

Փաստաթղթի համաձայն, բաժնետոմսերի թողարկումը տեղի կունենա ազդագրի գրանցման պահից (31.05.2023 թ.) հինգերորդ աշխատանքային օրը, այսինքն ՝ հունիսի 7-ին, իսկ բաժնետոմսերի տեղաբաշխումը նախատեսվում է ավարտել հոկտեմբերի 31-ին։

MyInvest հարթակում բաժնետոմսերի ձեռքբերման և վաճառքի կարգի վերաբերյալ առավել մանրամասն տեղեկատվություն կարելի է ստանալ ՝ անցնելով հետևյալ հղումով ՝ https://www.youtube.com/watch?fbclid=IwAR1LXGfqIPqKCSboSUQqhtewzwHC7023E0vPLr LSnesWublibLzSYmZ7lNs&v=SwyN5p7JLLY&feature=youtu.be .

Նշենք, որ 2023 թվականի ապրիլի 1-ի դրությամբ Telecom Armenia ընկերությունն ուներ 951 967 բջջային կապի բաժանորդ, 320 223 ֆիքսված կապի բաժանորդ, իսկ FTTH (Fiber To The Home) բաժանորդների թիվը կազմել է 8 653 (2023 թվականի առաջին եռամսյակի 29% աճով) ։ Ընկերությունը մտադիր է ընդլայնել LTE ինտերնետի ծածկույթը, ինչպես նաև Հայաստանում ներդնել 5G ցանց, ինչի համար ս.թ. մարտին ստացել է 700 ՄՀց ռադիոհաճախականության օգտագործման թույլտվություն: Ակտիվ փուլում են գտնվում բարձր արագությամբ օպտիկամանրաթելային ցանցի ընդլայնման աշխատանքները, որի համար լրացուցիչ լիցենզիաներ/թույլտվություններ պետք չեն: Ընկերությունում 2022թ. դեկտեմբերի 31-ի դրությամբ աշխատում է 1911 աշխատակից (մեկ տարի առաջվա 1899-ի դիմաց)։ 2022 թվականի ընթացքում Telecom Armenia ընկերությունը 2,5 անգամ ավելացրել է զուտ շահույթը՝ մինչեւ 8,7 մլրդ դրամ։ 2022 թվականին ստացված 34.6 մլրդ դրամ հասույթի գերակշիռ մասը ձևավորվել է բջջային կապի և ֆիքսված կապի ծառայություններից, համապատասխանաբար, 47% և 42%։

Telecom Armenia-ն (https://www.telecomarmenia.am/hy/) հեռահաղորդակցության ընկերություն է, որը Հայաստանի Հանրապետության տարածքում տրամադրում է ինտերնետ, թվային հեռուստատեսություն, բջջային և ֆիքսված հեռախոսակապ: 2021 թվականից ընկերությունը ձեռնամուխ է եղել տարածաշրջանում եզակի NGN (Next Generation Network) ցանցի կառուցմանը, որը հագեցած է 25G-PON տեխնոլոգիայով և ապահովում է 25 ԳԲ/վայրկյան արագություն։ Ընկերությունն ավելի մատչելի է դարձրել ռոումինգն աշխարհի 100 երկրներում, EBRD-ից (Վերակառուցման եւ զարգացման եվրոպական բանկ), IFC-ից (International Finance Corporation) եւ Ամերիաբանկից ներգրավել է, ընդհանուր առմամբ, 45 մլն դոլարի ֆինանսավորում, որի մի մասն արդեն ուղղվել է Հայաստանի քաղաքներում եւ գյուղերում NGN (Next Generation Network) ցանցի կառուցմանը: Առաջիկայում այդ ցանցին կմիանան Հայաստանի ողջ տարածքում գործող բջջային կայանները, ինչի շնորհիվ բջջային կապի որակը զգալիորեն կբարելավվի:

Հիշեցնենք, որ 2020 թվականի հոկտեմբերին "Team" ՍՊԸ-ն ձեռք է բերել " VEON Armenia " ՓԲԸ-ի (Beeline ապրանքանիշ) բաժնետոմսերի 100% - ը, որն, իր հերթին, հանդիսանում էր 1995 թվականին հիմնադրված "Armenia Telefon Company"  (ArmenTel) ՓԲԸ-ի իրավահաջորդը։ 2020 թվականի նոյեմբերին տեղի է ունեցել անվանափոխություն "Telecom Armenia" ՓԲԸ-ի, իսկ 2023 թվականի հունվարին ընկերությունը հայտարարել է կարգավիճակի փոփոխության մասին՝ ՓԲԸ-ից ԲԲԸ։