Արմինֆո. 2023 թվականի սեպտեմբերի 14-ին Արմենիա Մարիոթ հյուրանոցում տեղի կունենա հայ–կորեական տնտեսական համագործակցության համաժողով, որի նպատակն է խթանել և ընդլայնել Հայաստանի և Կորեայի միջև տնտեսական համագործակցությունը։
ՀՀ էկոնոմիկայի նախարարության հաղորդագրության համաձայն, համաժողովը կազմակերպում է ՀՀ էկոնոմիկայի նախարարությունը Կորեական առևտրային ներդրումների խթանման գործակալության (КОТRА) հետ համատեղ:
Համաժողովին մասնակցելու են էլեկտրաէներգիայի, ջրի ոլորտի, մետալուրգիայի և այլ ոլորտներում գործունեություն ծավալող կորեական ընկերություններ: Հաղորդվում է, որ տեղի կունենան հայ և կորեացի գործարարների հանդիպումներ Բ2Բ ձևաչափով:
ՀՀ մաքսային տվյալների համաձայն, 2022 թվականին Հայաստանը Կորեայի Հանրապետություն է արտահանել 10.6 մլն դոլարի ապրանք, ինչը 2 անգամ գերազանցում է մեկ տարվա վաղեմության ցուցանիշը ։ Ընդ որում ՝ ներմուծումն աճել է 94,5 տոկոսով՝ հասնելով 88,2 մլն դոլարի։
Նշենք, որ КОТRА-ն շահույթ չհետապնդող կազմակերպություն է, որը կոչված է նպաստելու Կորեայի Հանրապետության գործարար կապերի զարգացմանը ողջ աշխարհում, այն ստեղծվել է 1962 թվականին երկրի կառավարության կողմից: Հիմնական նպատակն է ակտիվացնել կորեական ապրանքների արտահանումը։ Գործակալության ներկայացուցչությունները ներկայումս գործում են աշխարհի 84 երկրներում:
