Արմինֆո.Էկոնոմիկայի նախարարի տեղակալ Ռաֆայել Գևորգյանը նոյեմբերի 14-ին ընդունել է ՀՀ-ում Ինդոնեզիայի դեսպան Արիֆ Մուհամադ Բասալամահին:
Նախարարության հաղորդագրության համաձայն, հանդիպման սկզբում երկուստեք ընդգծվել է, որ հայ-ինդոնեզիական առևտրատնտեսական հարաբերություններում առկա է զարգացման մեծ ներուժ, որը հարկավոր է լիարժեքորեն իրացնել։
Այնուհետև կողմերը քննարկել են համագործակցության ընդլայնման հնարավորությունները, մասնավորապես՝ առևտրի, տեխնոլոգիաների, գիտության, շինարարության, ծառայություններին, ենթակառուցվածքների ոլորտներում։
Անդրադառնալով զբոսաշրջության ոլորտին՝ դեսպանը նշել է, որ ինդոնեզիական կողմը հետաքրքրված է փոխգործակցությամբ հատկապես բժշկական զբոսաշրջության ոլորտում։
Հանդիպմանը Ռաֆայել Գևորգյանը ներկայացրել է դեսպանին տնտեսության ոլորտում իրականացվող պետական օժանդակության գործիքակազմը։
Զրույցի ընթացքում Արիֆ Մուհամադ Բասալամահին ներկայացվել է նաև Հայաստանի կողմից մշակված «Խաղաղության խաչմերուկ» նախագիծը։
RUB | 4.27 | 0.02 |
USD | 388.09 | 0.57 |
EUR | 421.93 | 2.44 |
GBP | 491.67 | 3.28 |
CAD | 284.77 | 0.52 |
JPY | 25.09 | 0.21 |
CNY | 53.77 | 0.12 |
CHF | 430.06 | 2.10 |