Արմինֆո. Հայաստանն այս տարի Իսպանիային դուրս է մղել Ռուսաստան Վիսկի խոշորագույն ներկրողների շարքից՝ 5,6 մլն դոլար ծավալով 6-րդ տեղից բարձրանալով 5-րդ հորիզոնական: Այդ փաստը պարզել է "ՌԻԱ Նովոստի"-ն՝ ուսումնասիրելով այս տարվա հունվար-սեպտեմբեր ամիսներին Ռուսաստան այդ խմիչքի խոշորագույն մատակարարների վիճակագրությունը:
Ընդ որում, ինչպես նշում է աղբյուրը, Հայաստանից Ռուսաստան առաքումները նշված ժամանակահատվածում նախորդ տարվա նույն ժամանակահատվածի համեմատ ավելացել են 2,5 անգամ:
Այս տարվա ինն ամիսներին Ռուսաստանն ընդամենը 262,5 մլն դոլարի վիսկի է ներկրել, ինչը գրեթե քառապատկվել է՝ նախորդ տարվա հունվար – սեպտեմբերի համեմատ։ Ամբողջ ծավալի առյուծի բաժինը կրկին բաժին է ընկել Լատվիային. մերձբալթյան հանրապետությունն առաքել է 190,6 մլն դոլարի արտադրանք: Ընդ որում, նախորդ տարվա համեմատ մատակարարումներն աճել են ավելի քան վեց անգամ ։ Նկատելիորեն ավելացրել Է մատակարարումների ծավալները եւ երկրորդ տեղում գտնվող Լիտվան, որը դրամական արտահայտությամբ 9 անգամ ավելի շատ վիսկի է առաքել, քան անցյալ տարի ՝ 28,9 մլն դոլարով։
Ladoga ընկերության նախագահ Վենիամին Գրաբարը նշում է, որ Լատվիայի նման ցուցանիշները խոսում են այն մասին, որ վերաարտահանում է ընթանում: <Եթե նախկինում փաստաթղթերով ներմուծումը Ռուսաստան էր գնում, պարզապես, Լատվիայով կամ Լիտվայով տարանցմամբ, ապա այժմ վերջնակետը մերձբալթյան երկրներն են, իսկ այնտեղից արդեն մատակարարվում է ՌԴ։ Հետևաբար, մաքսային վիճակագրության համար ուղարկողը բալթյան երկրներն են: Ըստ էության, լոգիստիկ շղթան չի փոխվել, մի փոքր փոխվել է փաստաթղթաշրջանառությունը։ Պատճառն այն է, որ հաճախ արտասահմանյան մատակարարները չեն ցանկանում ռիսկի դիմել և Ռուսաստանը նշել որպես առաքման վերջնական կետ>, - բացատրում է նա: Առաջատարների հնգյակում են նաև Մեծ Բրիտանիան (10,4 մլն դոլար, նախորդ տարվա համեմատ 18 տոկոսով նվազում), Ֆրանսիան (7 մլն դոլար, մատակարարումներ ի 1,5 անգամ աճ) և 2,5 անգամ ավելացրել է առաքումները Հայաստանը (5,6 մլն դոլար):
Ավելի վաղ ԱրմԻնֆո-ն, հղում անելով ՀՀ վիճակագրական կոմիտեի տվյալներին, հաղորդել էր, որ ընթացիկ տարվա ինն ամիսներին Հայաստանում աճի առավել բարձր տեմպեր են գրանցում վիսկիի թողարկման ծավալները' 77,8% - ով, մինչև 481.7 հազ. լիտր:
Ընդհանուր առմամբ, 2023 թվականի 9 ամիսներին Հայաստանում նվազել են կոնյակի, օղու և գարեջրի արտադրության ծավալները, մինչդեռ, գինու, շամպայնի և վիսկիի գծով գրանցվել են երկնիշ աճի ցուցանիշներ։ Մասնավորապես, ինչպես վկայում են վիճակագրական տվյալները, հաշվետու ժամանակահատվածում երկրում արտադրվել է 13.1 մլն լիտր կոնյակ, ինչը մեկ տարվա վաղեմության ցուցանիշին զիջում է 22.7 տոկոսով: Թողարկվող օղու, լիկյորի և այլ սպիրտային խմիչքների ծավալները տարեկան կտրվածքով զգալիորեն նվազել են' 42,4% - ով' կազմելով 853.9 հազ. լիտր, իսկ գարեջրինը' 12% - ով' մինչև 21.8 մլն լիտր: Ընդ որում, խաղողի գինու արտադրության ծավալները հաշվետու ժամանակահատվածում աճել են 23,2% - ով' մինչև 10.2 մլն լիտր, փրփրուն գինիներինը' 49,4%-ով' մինչև 885.8 հազ. լիտր:
Պարտադիր բժշկական ապահովագրություն Հայաստանում. ո՞վ և որքա՞ն կվճարի
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Բիզնեսի թվայնացման հիմնախնդիրը, ո՞ր հանգրվանում է Հայաստանը