Հայաստանի էկոնոմիկայի նախարարությունը ԵԱՏՄ շրջանակում հրատապ քննարկում է հրավիրել «Վերին Լարսում» տիրող իրավիճակի առնչությամբ

Արմինֆո.Հայաստանի էկոնոմիկայի նախարարությունն ուսումնասիրում է "Ռոսսելխոզնադզորի" Հրապարակումը՝ հասկանալու համար հայկական արտադրանքի անհամապատասխանության աստիճանը ՌԴ-ի կողմից կիրառվող նորմերին: Այդ մասին նոյեմբերի 29-ին լրագրողների հետ զրույցում հայտարարել է գերատեսչության ղեկավար Վահան Քերոբյանը ՝ անդրադառնալով ՌԴ անասնաբուժական եւ բուսասանիտարական վերահսկողության դաշնային ծառայության հայտարարությանը ՝ Հայաստանից բուսական արտադրանքի մատակարարման ժամանակ հաճախակի դարձած խախտումների մասին։

Հիշեցնենք, որ մոտ 1600 բեռնատար սպասում է Վերին Լարսի անցակետով անցման: Նոյեմբերի 26-ի երեկոյից ճանապարհահատվածը փակ է բեռնատարների համար ՝ եղանակային անբարենպաստ պայմանների պատճառով: Ռուս-վրացական սահմանին բեռնատարները մի քանի օր պարապուրդի են մատնված նաև վերջին օրերին ուժեղացված լաբորատոր հսկողության պատճառով, որի արդյունքում արդեն մի քանի տասնյակ մեքենաներ վերադարձվել են Հայաստան:

<Տարօրինակ է, որ ողջ տարվա ընթացքում (Հայաստան) վերադարձվել է 35 բեռնատար, նույնքան էլ՝ երկու օրում։ Եվ դա այն դեպքում, երբ կարգավորումներում մատակարարվող ապրանքի որակի փոփոխություններ չեն կատարվել", - նշել է Քերոբյանը, ձեռնպահ մնալով պատասխանել հարցին, թե՝ արդյոք դա կապված է ՀԱՊԿ միջոցառումներին ՀՀ չմասնակցելու հետ։

Ինչպես նշել է նախարարը, Հայաստանի էկոնոմիկայի նախարարությունը ԵԱՏՄ շրջանակում հրատապ քննարկում է հրավիրել, որը տեղի կունենա առաջիկա երկու օրերի ընթացքում:

Ինչ վերաբերում է փորձագետների եւ արտահանողների դժգոհությանը՝ այն առնչությամբ, որ Էկոնոմիկայի նախարարությունը չի աշխատում իրացման շուկաների դիվերսիֆիկացման ուղղությամբ, ապա, Քերոբյանի խոսքով, նրանք, պարզապես, չեն նկատում այն, ինչ արվում է Չինաստանում, Ճապոնիայում, ԱՄՆ-ում, ԵՄ երկրներում եւ Պարսից ծոցում:

Ընդ որում, ինչպես նշել է Էկոնոմիկայի նախարարը, յուրաքանչյուր արտահանող պետք է ինքը բանակցություններ վարի իր գնորդի հետ եւ իր արտադրանքը վաճառի տարբեր շուկաներում։ "Եթե արտահանողը կարծում է, թե փոքր ջանքերով և ոչ բարձր ինքնարժեքով արտադրանքով կարող է մեծ եկամուտներ գեներացնել մեկ շուկայում և դրանով բավարարվում է՝ խնդիրների առաջ կանգնելիս, նրան պետք է հասկացնել, որ նման հնարավորությունը կարող է նաև ռիսկային լինել", - եզրափակել է Վահան Քերոբյանը: