Արմինֆո. Մենք այժմ պատմության դասագրքում ենք, և 2023 թվականը բեկումնային տարի է մարդկության պատմության համար՝ արհեստական բանականության զարգացման համատեքստում: Այդ մասին հայտարարել է Հայաստանի էկոնոմիկայի նախարար Վահան Քերոբյանը՝ "Գործարար ալիք" ռադիոկայանի հարցազրույցում։
Նա նշել է, որ հետագա տարիները տեղի ունեցող փոխակերպումների համատեքստում նման են լինելու տեկտոնական բախումների։ "Եվ այստեղ կարևոր է, որ մեր երկրում լինեն այնպիսի մասնագետներ, որոնք կարողանան օգտագործել արհեստական բանականության հնարավորությունները և, միևնույն ժամանակ, օգնեն խուսափել դրա բացասական հետևանքներից", - ասել է նախարարը:
Քերոբյանը հաղորդել է, որ կառավարությունում այժմ ակտիվ քննարկումներ են ընթանում արհեստական բանականության ոլորտում տարբեր նախաձեռնությունների, պետության մոտեցումների վերաբերյալ: Այս համատեքստում նա հիշեցրել է, որ հաջորդ տարի երկրում կստեղծվի գերհամակարգչային կենտրոն, ինչն արդեն հաստատվել է բյուջեի նախագծով։ Վերջինիս առկայությունը, գերատեսչության ղեկավարի խոսքով, անհրաժեշտ պայման է արհեստական բանականության զարգացման համար։
"Շատ հնարավոր է, որ հաջորդ մի քանի տարիների ընթացքում "ջունիոր" մակարդակի աշխատողների, այդ թվում՝ մատուցողների, հյուրանոցներում սպասարկողների և այլնի անհրաժեշտությունը վերանա: Եվ այս իմաստով մենք պետք է պատրաստ լինենք մարդկանց առաջարկել նոր աշխատանք", - նշել է նախարարը: Նա նաև ընդգծել է, որ դրան զուգընթաց՝ նոր մասնագիտություններ էլ կառաջանան։
