
Արմինֆո. Հայաստանում կստեղծվի անշարժ գույքի միասնական ռեեստր։ Այդ մասին հաղորդել է Կադաստրի կոմիտեի ղեկավար Սուրեն Թովմասյանը՝ հունվարի 9-ին կայացած մամուլի ասուլիսի ժամանակ։
Թովմասյանի խոսքով՝ հեռանկարում դա թույլ կտա ավելի իրատեսական պատկեր ունենալ անշարժ գույքի շուկայում, բացի այդ, գներն էլ ավելի մոտ կլինեն իրականությանը։ Բացի այդ, արդեն մշակվել և շրջանառության մեջ է դրվել անշարժ գույքի գործունեության մասին օրենքը, որը կարգավորում է սեփականատերերի կողմից անշարժ գույքի վաճառքի կամ կառավարման լիազորությունները փոխանցելու գործընթացը:
