Արմինֆո. Մեր ընկերությունները պետք է առաջինը, ոչ թե վերջինը, օգտագործեն արհեստական բանականության հնարավորությունները։ Այդ մասին "Արհեստական բանականությունը բիզնեսի համար" համաժողովի բացման ժամանակ հայտարարել է ՀՀ էկոնոմիկայի նախարար Վահան Քերոբյանը։
Նա նշել է, որ արհեստական բանականությունը շրջադարձային նշանակություն ունի ինչպես տնտեսության, այնպես էլ մարդկության համար, ավելին, ԱԲ-ն աշխատանքի արտադրողականության բարձրացման հզոր գործոն է, որը համահունչ է Էկոնոմիկայի նախարարության հիմնական նպատակին: "Կոչ եմ անում բիզնեսը համաժողովին վերաբերվել որպես լավ հնարավորության՝ արտադրողականության բարձրացման, արդիականացման , մրցունակության բարձրացման ուղղությամբ քայլերի իրականացման համատեքստում", - ասել է Քերոբյանը:
Նա հիշեցրել է, որ անցյալ շաբաթ կառավարությունը որոշում է կայացրել սուբսիդավորել վարկերը եւ դրամաշնորհներ տրամադրել ավանդական ձեռնարկություններին, որոնք ցանկանում են գնալ թվային փոխակերպման ուղղությամբ, այդ թվում՝ կիրառել արհեստական բանականության գործիքներ:
Նշենք, որ Էկոնոմիկայի նախարարությունը համաժողովի կազմակերպիչներից էր: Միջոցառման նպատակն էր մեկ հարթակում հավաքել արհեստական բանականության ոլորտի առաջնորդներին, նորարար մտածողներին և փորձագետներին ՝ ուսումնասիրելու ԱԲ ոլորտի առաջատար ռազմավարություններն ու լուծումները, որոնք կարող են հեղափոխել բիզնես գործառնությունները: Համաժողովի բանախոսների թվում էին Embodied ընկերության հիմնադիր և գործադիր տնօրեն Պաոլո Փիրջանյանը, ABBYY ընկերության հիմնադիր Դավիթ Յանը:
RUB | 4.23 | 0.01 |
USD | 387.32 | -0.31 |
EUR | 416.10 | 1.18 |
GBP | 486.40 | 1.36 |
CAD | 283.52 | 1.05 |
JPY | 25.30 | 0.30 |
CNY | 53.49 | -0.04 |
CHF | 426.85 | 1.63 |