Օդիլ Ռենո-Բասո. Հայաստանի տնտեսությունը շարունակում է աճել՝ ի հեճուկս բազմաթիվ բացասական գործոնների

Արմինֆո.Ի հեճուկս բազմաթիվ բացասական գործոնների՝ Հայաստանը պահպանում է կայունությունը, իսկ տնտեսությունը շարունակում է լավ արդյունքներ գրանցել: Այդ մասին հայտարարել է Վերակառուցման եւ զարգացման եվրոպական բանկի (ՎԶԵԲ) նախագահ Օդիլ Ռենո-Բասսոն՝ մայիսի 15-ին Երեւանում բանկի տարեկան ժողովում:

"2023 թվականին Հայաստանի ՀՆԱ ն աճել է 8,7 տոկոսով, ինչը պայմանավորված էր արտահանման կտրուկ պահանջարկով, շինարարության երկնիշ աճով, զբոսաշրջության եւ ՏՏ ոլորտի աճով", - նշել է ՎԶԵԲ նախագահը:

Օդիլ Ռենո-Բասսոն նշել է, որ 2023 թվականի սեպտեմբերի վերջին Հայաստանը լուրջ ճգնաժամի առաջ է կանգնել փախստականների զանգվածային ներհոսքի առումով (սեպտեմբերի 24-ին սկսվել է հայերի ելքը Արցախից - խմբ.)։ Նա "հրաշք" է անվանել այն, թե ինչպես է Հայաստանը հաղթահարել նման իրավիճակը՝ նման սեղմ ժամկետներում։

Այդուհանդերձ, շատ մարտահրավերներ պահպանվում են, ինչի առնչությամբ կարճաժամկետ և միջնաժամկետ ծրագրերի մշակման անհրաժեշտություն կա։ Փախստականները պետք է ինտեգրվեն աշխատաշուկայում, ինչպես նաեւ պետք է մշակվեն մարդկային կապիտալի զարգացման խթանման միջոցներ, կարծում է բանկի նախագահը:

Հիշեցնենք, որ վիճակագրական տվյալների համաձայն, Հայաստանի ՀՆԱ-ի աճի տեմպը  2023 թվականին դանդաղել է մինչև 8,7% (2022 թվականի 12,6% - ից)՝ ընթացիկ գներով կազմելով 9,503 տրիլիոն դրամ (24.2 մլրդ դոլար) ։ ՀՆԱ-ի ինդեքս-դեֆլյատորը նույնպես նվազել է ՝ 2022թ. 108% - ից մինչեւ 102,8%։ 2023 թվականին որպես ՀՆԱ-ի աճի դրայվեր առավելապես հանդես են եկել առևտրի ոլորտը ՝ 25,7%, շինարարության ոլորտը՝ 14,8%, ծառայությունների ոլորտը՝ 10,3%, և մի փոքր ավելի պակաս չափով արդյունաբերական ոլորտը ՝ 4,1%, իսկ ագրոհատվածը հայտնվել է 0,3% անկման մեջ։ Մեկ տարի առաջ ՝ 2022 թվականին, ՀՆԱ աճը բխել էր բոլոր ոլորտներից. ծառայությունների ոլորտ՝ 28,2%, առևտրի ոլորտ՝ 17%, էներգահամալիր՝ 16,1% , շինարարության ոլորտ ՝ 12,5%, արդյունաբերական հատված՝ 7,9%, և ագրոհատված՝ 0,4%։ Այս ֆոնին դանդաղել են նաև Հայաստանի արտաքին առևտրաշրջանառության աճի տեմպերը ՝ 68,6% - ից մինչև 46%, ինչը պայմանավորված էր ինչպես արտահանման աճի արգելակմամբ ՝ 77,7% - ից մինչև 55,3%, այնպես էլ ներմուծման՝ 63,5% - ից մինչև 40,2%:

ՎԶԵԲ - ը Հայաստանում առաջատար ինստիտուցիոնալ ներդրող է: Բանկը Հայաստանում 210 նախագծերում ներդրել է ավելի քան 2 մլրդ 087 մլն եվրո ։ Նախագծերի ընթացիկ պորտֆելը գնահատվում է 339 մլն եվրո ։ "Հայաստանում մենք հատուկ ուշադրություն ենք դարձնում ֆինանսական հատվածի զարգացմանը, տրանսպորտային ենթակառուցվածքների բարելավմանը, ավելացված արժեք ունեցող արդյունաբերական ընկերությունների զարգացմանը աջակցելուն, գործարար միջավայրի բարելավմանը և կորպորատիվ կառավարման ամրապնդմանը, ինչպես նաև կայուն էներգետիկ ենթակառուցվածքների զարգացմանը և բնապահպանական ու սոցիալական պաշտպանության բարձր չափանիշներով հանքարդյունաբերական նախագծերում ներդրումներին աջակցելուն",- ասվում է բանկի կայքում:

Վերջին 5 տարիների ընթացքում ՎԶԵԲ-ը Հայաստանում ներդրել է 640 մլն եվրո ՝ նպաստելով մասնավոր հատվածի զարգացմանը, ենթակառուցվածքների բարելավմանը, վերականգնվող էներգիայի արտադրությանը և գյուղական բնակավայրերի թվայնացմանը: Նախագծերի ընթացիկ պորտֆելը գնահատվում է 339 մլն եվրո ։ ՎԶԵԲ-ն ավելի քան 2,1 մլրդ եվրո է ներդրել Հայաստանի ողջ տարածքում 210 նախագծերում: