Արմինֆո.Ռուսական Առաջին ալիքի հեռարձակումը Հայաստանի տարածքում ժամանակավորապես դադարեցվել է։ Այդ մասին հայտարարել է ՀՀ բարձր տեխնոլոգիական արդյունաբերության նախարար Մխիթար Հայրապետյանը։
Նրա խոսքով՝ հեռարձակումը դադարեցվել է մինչև ռուսական կողմի կուտակած պարտքի ամբողջական մարումը։ "Հայկական հեռուստառադիոհեռարձակման ցանց" ՓԲԸ-ի և "1-ին ալիք, գլոբալ ցանց" ԲԸ-ի միջև գործող պայմանագրի համաձայն, "1-ին ալիք, գլոբալ ցանց" ԲԸ չի կատարել իր պայմանագրային պարտավորությունները՝ կուտակելով 2,5 ամսվա պարտք: Հանրային մուլտիպլեքսում ռուսական ալիքի հեռարձակումը ժամանակավորապես դադարեցվել է՝ մինչև պարտքի ամբողջական մարումը", - ասել է նախարարը։
Հիշեցնենք, որ ավելի վաղ Հայաստանի իշխանությունները որոշում էին կայացրել հանրապետության տարածքում "Երեկոն Վլադիմիր Սոլովյովի հետ" և "Կիրակնօրյա Երեկոն Վլադիմիր Սոլովյովի հետ" ծրագրերի հեռարձակումը դադարեցնելու մասին, նշելով, որ այդ որոշումն ընդունվել է "մշտական խախտումների փաստերի հիման վրա": Իսկ բարձր տեխնոլոգիական արդյունաբերության նախարար Մխիթար Հայրապետյանը հայտարարել էր, որ Հայաստանը կարող է միակողմանիորեն կասեցնել ռուսական հեռուստաալիքների հեռարձակման մասին համաձայնագրի գործողությունը, եթե Ռուսաստանի հետ բանակցությունները հաջողությամբ չպսակվեն։
![]() | 4.53 | -0.04 |
![]() | 388.06 | -0.10 |
![]() | 417.13 | 1.41 |
![]() | 491.75 | 0.49 |
![]() | 283.48 | -0.10 |
![]() | 24.09 | -0.10 |
![]() | 53.39 | -0.06 |
![]() | 430.56 | -1.30 |