Արմինֆո. "Հարավկովկասյան երկաթուղի" ընկերությունը հայտարարում է Երևան-Բաթումի-Երևան միջազգային սեզոնային գնացքի գործարկման մասին, որի առաջին չվերթը տեղի կունենա հունիսի 24-ին: Այս մասին հայտնում է ընկերության մամուլի ծառայությունը։
Աղբյուրը նշում է, որ գնացքը կշարժվի մինչև այս տարվա հոկտեմբերի 1-ը: Երևանից Բաթումի գնացքը մեկնելու է ամեն օր ։ Ամառային սեզոնի ընթացքում Երևան-Թբիլիսի-Երևան երթուղով երթևեկությունը դադարեցվել է, Թբիլիսի հնարավոր կլինի հասնել Բաթումի գնացքով: Նախորդ տարվա համեմատ ուղևորությունների արժեքը էական փոփոխությունների չի ենթարկվել։
Լրացուցիչ տեղեկատվությանը, ինչպես նաև տոմսերի գներին կարելի է ծանոթանալ ընկերության կայքում - www.railway.am.
2024 թվականի 5 ամիսների ընթացքում ՀԿԵ գնացքներով տեղափոխվել է 217 հազար ուղևոր, ինչը 12% - ով ավելի է 2023 թվականի համանման ցուցանիշից ։
