Եվրոպական հանձնաժողովը Հայաստանին 15 մլն եվրո կտրամադրի Լեռնային Ղարաբաղից փախստականների խնդիրների լուծման համար

Արմինֆո. Եվրոպական հանձնաժողովը Հայաստանին 15 մլն եվրո կտրամադրի Լեռնային Ղարաբաղից փախստականների հոսքի հետեւանքով առաջացած սոցիալ-տնտեսական դժվարությունները հաղթահարելու համար: ՀՀ կառավարությունը հունիսի 20-ի նիստում հաստատել է ընթացիկ տարվա փետրվարի 15-ին և ապրիլի 16-ին ստորագրված բյուջետային աջակցության պայմանագիրը հաստատելու մասին ՀՀ Նախագահի հրամանագրի նախագիծը:

ՀՀ փոխվարչապետ Մհեր Գրիգորյանի խոսքով ՝ վարկային միջոցներն ուղղվելու են Հայաստանի Հանրապետության սոցիալական և տնտեսական կայունությանն աջակցելուն, նպաստելու Լեռնային Ղարաբաղից տեղահանված անձանց խնդիրների լուծման, նրանց երկարաժամկետ սոցիալ-տնտեսական ինտեգրման ուղղությամբ ՀՀ կառավարության կարճաժամկետ և միջնաժամկետ ծրագրին: Ծրագիրը ֆինանսավորվում է ԵՄ բյուջեից ՝ հարևանության, զարգացման և միջազգային համագործակցության գործիքի շրջանակներում: Հայկական կողմից համաֆինանսավորում չի նախատեսվում։

Նախատեսվում է, որ ֆինանսական միջոցներն ուղղվելու են փախստականներին միանվագ օգնություն տրամադրելու, ժամանակավոր կացարանի և կոմունալ ծախսերի վճարման հետ կապված հարցերի լուծմանը:  Ծրագրի թիրախային շահառուները կլինեն կանայք և բնակչության սոցիալապես խոցելի խմբերը:  Նախատեսվում է նաև աջակցություն ցուցաբերել փախստականներ ընդունող համայնքներին սոցիալ-տնտեսական ենթակառուցվածքների վերականգնման գործում: