Հինգշաբթի, 25 Հուլիսի 2024 16:44

Արմինֆո. Ռուսական «Ֆորա-Բանկ»-ը Հայաստանում ներկայացուցչություն է հիմնել: Գրասենյակը գործում է ք.Երևան, Փ. Բուզանդի 15 հասցեում: Ինչպես նշվում է ՀՀ Կենտրոնական բանկի հաղորդագրության մեջ, կարգավորողից «Ֆորա-Բանկ»-ի ներկայացուցչությունը գրանցում է ստացել ԿԲ ղեկավարի ս. թ. մայիսի 15-ի որոշմամբ:

«Ֆորա-Բանկ»-ի հայաստանյան ներկայացուցչության ղեկավար Զավեն Հարությունյանն ԱրմԻնֆո-ին հաղորդել է, որ Հայաստանում ներկայությունը բանկին թույլ կտա ավելի մոտ լինել իր հաճախորդներին և ավելի օպերատիվ արձագանքել գործընկերների հարցումներին:

Նա պարզաբանել է, որ ներկայացուցչությունը բանկային գործառնություններ չի իրականացնում ՝ գործելով բացառապես օրենսդրությամբ նախատեսված լիազորությունների շրջանակներում։ Ներկայացնելով «Ֆորա-Բանկ»-ի շահերը Հայաստանի տարածքում' ներկայացուցչությունը աջակցում և զարգացնում է գործընկեր կազմակերպությունների հետ համագործակցությունն ու գործարար հարաբերությունները: «Ֆորա-Բանկ»-ը զբաղվում է անդրսահմանային դրամական փոխանցումների զարգացմամբ արտերկիր, այդ թվում ՝ Հայաստան: Ելքային փոխանցումներն իրականացվում են միայն ռուսական ռուբլով' 1% միջնորդավճարով: Հայաստանից փոխանցումներ ուղարկելը հնարավոր է խոշորագույն ռեզիդենտ բանկերի քարտերից, և անկախ հաշվի արժույթից (դրամ, ռուբլի, դոլար կամ եվրո) կատարվում է հետագա փոխարկում ռուբլու:

Նշենք, որ ԱԿԲ "Ֆորա-Բանկ" (ԲԸ) ունիվերսալ առևտրային բանկ է, որն աշխատում է սեփականության բոլոր ձևերի ձեռնարկությունների և անհատների հետ ավելի քան 30 տարի ՝ 1992 թվականի մայիսից ։ Բանկային գործառնությունների իրականացման համար Ռուսաստանի Դաշնության Կենտրոնական բանկի ընդհանուր լիցենզիան տրվել է 2014 թվականի դեկտեմբերի  3-ին: Այս բոլոր տարիներին բանկը դինամիկ զարգանում է ՝ ավելացնելով նաև սպասարկման գրասենյակների ցանցը, որոնք արդեն 168-ն են Ռուսաստանի Դաշնության 18 տարածաշրջաաններում: Զուգահեռաբար «Ֆորա-Բանկ»-ն ընդլայնում է գործընկերային ցանցը Հայաստանում, մասնավորապես, ինչպես նշվում է բանկի կայքում տեղադրված հաղորդագրության մեջ, 2023 թվականի վերջի դրությամբ դրամական փոխանցումների գծով գործընկերներ են հանդիսանում հայաստանյան 7 խոշորագույն բանկերը:

«Ֆորա-Բանկ»-ն ակտիվորեն զարգացնում է տեխնոլոգիաները, որոնք ապահովում են հաճախորդների սպասարկման բարձր մակարդակ և իրականացվող գործառնությունների անվտանգություն: Ունի սեփական պրոցեսինգային կենտրոն, թողարկում և առաջարկում է "Միր" բանկային քարտերի էքվայրինգային սպասարկում, ինտերնետ էքվայրինգ (էլեկտրոնային առևտրի ծառայություններ), ինչպես նաև

QR-վճարումներ և փոխանցումներ: «Ֆորա-Բանկ»-ը ակտիվորեն և հաջողությամբ զարգացնում է հաճախորդների սպասարկման հեռահար ուղիները' ինտերնետ և մոբայլ բանքինգ, բջջային և միջսահմանային դրամական փոխանցումներ և վճարումներ: «Ֆորա-Բանկ»-ն ընդգրկված է Ռուսաստանի TOP-80 բանկերի մեջ՝ ըստ ակտիվների րափի, եւ TOP-50-ում՝ ըստ վարկավորման ծավալի: