Արմինֆո. Ներկայում շուրջ 800 հայկական ծանր բեռնատարներ սպասում են «Վերին Լարս» անցակետով (բազմակողմ ավտոմոբիլային անցակետով) Վրաստան անցման: Այդ մասին ԱրմԻնֆո-ի թղթակցին հաղորդել է Ռուսաստանում Հայաստանի դեսպանության մաքսային կցորդ Վահան Հակոբյանը:
Այսօր ավելի վաղ Հյուսիսային Օսիայի ճանապարհային երթևեկության կազմակերպման կենտրոնի կայքում հաղորդվել էր, որ պարապուրդի մատնված բեռնատարների ընդհանուր թիվը 4035 է, որից 1163 - ը՝ հայկական: "Սահմանի ռուսական կողմից անցման է սպասում մոտ 800 հայկական բեռնատար", - նշել է Հակոբյանը:
Նրա խոսքով՝ Վերին Լարսում կուտակումների հիմնական պատճառը զբոսաշրջային սեզոնի պատճառով անցակետերի գերծանրաբեռնվածությունն է ։ "Ամեն օր ռուս-վրացական սահմանը հատում է մոտ 1200 բեռնատար, որոնց մոտ 25 տոկոսը հայկական համարանիշներով մեքենաներ են", - պարզաբանել է կցորդը:
Ռազմավիրական ճանապարհը ներկայում միակ ցամաքային ճանապարհն է, որը կապում է Հայաստանը Ռուսաստանի հետ:
