Արմինֆո. Եկել է ժամանակը, երբ BRICS -ն ու ՇՀԿ-ը համատեղ կարող են միաբևեռ աշխարհից փոխակերպում կատարել դեպի բազմաբևեռ աշխարհ։ Այդ մասին օգոստոսի 8-ին հայտարարել է BRICS-ի առեւտրաարդյունաբերական պալատի փոխնախագահ Սամիպ Շաստրին՝ Երեւանում " BRICS -ի եւ ՇՀԿ-ի հետ Հայաստանի եւ ԵԱՏՄ-ի համագործակցության նոր հորիզոններ" միջազգային համաժողովի բացմանը ողջույնի խոսքում ։
Այս առումով նա ուշադրություն է հրավիրել այն հանգամանքի վրա, որ վերոնշյալ ինտեգրացիոն միավորումներն արդեն անցել են ազգային արժույթներով առեւտրի եւ գնում են դոլարային գործարքներից հրաժարվելու ճանապարհով:
Շաստրին նաև հավելել է, որ ինքը որպես հինդու հպարտ է, որ իր երկիրը աշխարհի հինգերորդ տնտեսությունն է, նրա աճը շարունակվում է և մինչև 2030 թվականը այն կարող է դառնալ աշխարհի երրորդ տնտեսությունը: Ընդ որում, նա բոլորին կոչ է արել գնալ նույն ճանապարհով։
Այնուհետև նա անդրադարձել է Արևմուտքի պատժամիջոցային քաղաքականությանը և ընդգծել, որ պատժամիջոցները բացասական երևույթ են, բայց դրական խթան են տալիս, որպեսզի իրացնի ներուժը, դուրս գա կախվածության ճիրաններից: Որպես օրինակ նա բերել է Ռուսաստանը, որն այսօր գտնվում է բազմաթիվ պատժամիջոցների տակ, նշելով,որ դա լավ օրինակ է սեփական ներուժի ամրապնդման տեսանկյունից:
"BRICS - ի երկրները մշակութային տեսանկյունից եւ աշխարհագրորեն տարբերվում են, բայց նրանց պետք է միավորի կանաչ ապագան, առավել եւս, որ BRICS-ի երկրները ամենահեռանկարային տնտեսությունների շարքում են ։ Վստահ եմ, որ ժամանակի ընթացքում BRICS –ը կբարձրացնի իր նշանակությունը համաշխարհային տնտեսության մեջ ։ Երեկ այցելեցինք Արարատի մարզ, և ես տեսա, թե Հայաստանը որքանով է կախված գյուղատնտեսությունից, տեսա կանաչ դաշտեր, ինչն այսօր Հնդկաստանում դժվար է գտնել։ Մենք կդիտարկենք Հայաստանում ներդրումների հնարավորությունները, ինչպես Հնդկաստանը կարող է ներդրումներ կատարել Հայաստանում, և ինչպես Հայաստանն, իր հերթին, կարող է ներդրումներ կատարել Հնդկաստանում", - եզրափակել է Շաստրին։
Իր հերթին Ռուս-ասիական գործարար խորհրդի նախագահ, միջազգային գործարար համագործակցության ազգային համակարգող կենտրոնի նախագահի խորհրդական Մաքսիմ Կուզնեցովը նշել է, որ գոյություն ունեն Հայաստանի, Ռուսաստանի Դաշնության, BRICS -ի և ՇՀԿ-ի միջև համագործակցության զարգացման մի քանի առանցքային ուղղություններ: Նրա խոսքով, առաջին հերթին, դա արտաքին առևտուրն է ։ "BRICS-ի և ՇՀԿ-ի երկրները, ինչպես և ԵԱՏՄ-ն, դինամիկ զարգանում են, ուստի պետք է նոր գնորդներ գտնել այդ շուկաներում ։ ԵԱՏՄ-ն միասնական շուկա է, այնտեղ ավելի հեշտ է ։ BRICS - ի եւ ՇՀԿ-ի հետ կա առանձնահատկություն, հաշվի առնելով, որ խոսքը տարբեր երկրների եւ, համապատասխանաբար, տարբեր շուկաների մասին է, սակայն ապրանքները կարող են պահանջված լինել նաեւ տեղական շուկաներում", - նշել է փորձագետը։
Նշենք, որ այսօր Երևանում անցկացվող համաժողովի հիմնական նպատակը BRICS և ՇՀԿ երկրների հետ Հայաստանի և ԵԱՏՄ տնտեսական կապերի խորացման հնարավորությունների համապարփակ քննարկման և վերլուծության հարթակի ստեղծումն է:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Հայաստանում արժեթղթերի թողարկմանն ու վարկանիշավորմանն աջակցության պետական ծրագրից օգտվել է ընդամենը երկու ընկերություն
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ