Արմինֆո. ՀՀ պետական եկամուտների կոմիտեի և Համաշխարհային բանկի միջև տեղի են ունեցել համատեղ հանդիպում-քննարկումներ՝ Մեծ Բրիտանիայի և Հյուսիսային Իռլանդիայի Միացյալ Թագավորության «Լավ կառավարման հիմնադրամի» ֆինանսավորմամբ իրականացվող, «Մաքսային վարչարարության զարգացման» 2-րդ ծրագրի շրջանակում ներդրվող KPI համակարգի ներդրման աշխատանքների, ինչպես նաև Համաշխարհային Բանկի կողմից իրականացվող այլ աշխատանքների ու ծրագրերի արդյունքների վերաբերյալ։ ՊԵԿ-ի հաղորդագրության համաձայն, միջոցառմանը մասնակցել են Պետական եկամուտների կոմիտեի և Համաշխարհային Բանկի ներկայացուցիչները։
ՊԵԿ նախագահի տեղակալ Աշոտ Մուրադյանը, ողջունելով ներկաներին բարձր է գնահատել Համաշխարհային Բանկի հետ համագործակցությունը՝ ընդգծելով համատեղ իրականացված բարեփոխումները, այդ թվում՝ էլեկտրոնային համակարգերի թվայնացումը: ՊԵԿ ռազմավարական ծրագրերի իրականացման գործում ՊԵԿ նախագահի տեղակալի խոսքով՝ Համաշխարհային Բանկը ոչ միայն ֆինանսավորում և տեխնիկական աջակցություն է ցուցաբերում, այլ նաև աջակցում է համակարգերի ներդրմանը` ապահովելով տարբեր երկրներից ներգրավվող մասնագիտական խմբերի մասնակցությամբ միջազգային լավագույն փորձի կիրառումը:
Միջոցառման ընթացքում, Համաշխարհային Բանկի հարկային և մաքսային ծրագրերի համակարգող Անահիտ Բասենցյանը կարևորել է Պետական եկամուտների կոմիտեի համագործակցությամբ իրականացվող ծրագրերն ու արձանագրված արդյունքները։ Նկատելով, որ վերջին երկու տարիները բավականին ծանրաբեռնված էին հարկային և մաքսային վարչարարության բարեփոխումների առումով՝ Համաշխարհային Բանկի ներկայացուցիչը միաժամանակ ընդգծել է, որ ՊԵԿ-ը պատրաստակամ է եղել խորհրդատվության արդյունքների կիրառելիության և շարունակականության ապահովման հարցում:
Միջոցառմանը ներկայացվել են Համաշխարհային Բանկի կողմից իրականացված «Հարկային և մաքսային վարչարարության արդիականացման» ծրագրի, ԵՄ կողմից ֆինանսավորվող «Առևտրի դյուրացման» ծրագրի, Մաքսային վարչարարության զարգացման» 2-րդ ծրագրի արդյունքները, ինչպես նաև ընթացիկ այլ աշխատանքները, մասնավորապես, միասնական հաշիվների, պետական տուրքի հաշվառման ավտոմատացման և դրոշմանիշային վճարի հաշվառման ավտոմատացման ուղղությամբ աշխատանքներն ու արդյունքները։ Քննարկվել են նաև ծրագրերի շրջանակում հարկ վճարողների և ԱՏԳ մասնակիցների շրջանում իրականացված հարցումների արդյունքները:
Հիշեցնենք, որ «Մաքսային վարչարարության զարգացման» 2-րդ ծրագիրն ավարտվելու է 2025 թ. մարտին: Ծրագրի հիմնական արդյունքներն ուղղված են մաքսային գործընթացների բարելավմանը, ՊԵԿ կառուցվածքային և ինստիտուցիոնալ կարողությունների զարգացմանը, մաքսային վարչարարության նկատմամբ բիզնեսի վերաբերմունքի գնահատմանը:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները