Արմինֆո. Հայաստանում խոշորագույն «ԴիջիԹեք» տեխնոլոգիական ցուցահանդեսի շրջանակում հայկական սթարթափները կներկայացնեն իրենց ներուժը։ Ինչպես ասվում է ցուցահանդեսի կազմակերպիչների հաղորդագրությունում, հոկտեմբերի 4-6-ը «ԴիջիԹեք»-ի շրջանակում սթարթափների համար կստեղծվի Startup Alley հատուկ հարթակ, որտեղ վերջիններս հնարավորություն կունենան ներկայացնել իրենց մշակումները ավելի քան 100 ներդրողների առջև:
Այս տարի «ԴիջիԹեք ԷՔՊՈ 2024»-ը կտարբերվի իր բովանդակությամբ։ Բացի սթարթափների համար առանձին հարթակից, ցուցահանդեսը կներառի հետևյալ ուղղությունները. TecSquare՝ նոր աշխատանքային կապերի հաստատման և համագործակցության համար, DigiTalks, որտեղ կներկայացվի տեղեկատվություն տեխնոլոգիական վերջին միտումների մասին, DigiInvest՝ ֆինանսական տեխնոլոգիաների թեմայով քննարկումներին մասնակցելու համար, TecBalcony՝ բիզնես VIP հանդիպումների համար։
Ըստ աղբյուրի՝ սպասվում է 200-ից ավելի ընկերությունների և սթարթափների մասնակցություն, 150-ից ավելի բանախոսների ելույթներ, 15-ից ավելի միջազգային լրատվամիջոցների ժամանում: Ցուցահանդեսի մասնակիցների թիվը կարող է գերազանցել 30 հազարը։
Որպես «ԴիջիԹեք»-ի կազմակերպիչ 2005 թվականից հանդես է գալիս Առաջատար տեխնոլոգիաների ձեռնարկությունների միությունն է (ԱՏՁՄ): Ցուցահանդեսը տեղի կունենա հոկտեմբերի 4-6-ը <Մերիդիան> էքսպո կենտրոնում:
Նշենք, որ ըստ ՀՀ վիճակագրական կոմիտեի տվյալների, Հայաստանի տեղեկատվական-հաղորդակցության տեխնոլոգիաների (ՏՀՏ) ոլորտի հասույթն առաջին կիսամյակում աճել է 10,4% - ով ' կազմելով 440.8 մլրդ դրամ: Ընդ որում, միայն ՏՏ ոլորտում մատուցված ծառայությունները մեկ տարվա ընթացքում կրճատվել են 14,1%- ով՝ մինչեւ 186,8 մլրդ դրամ։ ՏՀՏ արտադրական հատվածը ևս անկում է գրանցել՝ 49,2% - ով՝ մինչեւ 357,6 մլն դրամ։ Մինչդեռ, տվյալ ոլորտում առևտուրն աճել է 1.6 անգամ՝ հասնելով 174.4 մլրդ դրամի։
RUB | 4.21 | -0.03 |
USD | 387.09 | -0.52 |
EUR | 430.83 | -0.70 |
GBP | 511.38 | -0.69 |
CAD | 284.90 | -0.23 |
JPY | 27.33 | -0.22 |
CNY | 54.65 | 0.04 |
CHF | 459.07 | 0.25 |