Երկուշաբթի, 30 Սեպտեմբերի 2024 19:45

Արմինֆո. Թեւակոխում ենք երկրորդ պղինձ-բրոնզի դար, որովհետև, բոլոր կանխատեսումների համաձայն, պղինձը, մոլիբդենը և մի շարք այլ մետաղներ տնտեսության շարժիչ ուժն են դառնալու։ Այդ մասին հայտարարել է Զանգեզուրի պղնձամոլիբդենային կոմբինատի (ԶՊՄԿ) գլխավոր տնօրենի առաջին տեղակալ, Հայաստանի հանքագործների և մետալուրգների միության նախագահ Վարդան Ջանյանը՝ Mining Armenia Forum-ի շրջանակում զեկույցի ժամանակ։

 

Վկայակոչելով S&P Global-ի կանխատեսումը ՝ նա նշել է, որ մինչև 2035 թվականը պղնձի նկատմամբ պահանջարկը կաճի երկու անգամ, մինչդեռ, առաջարկը հետ կմնա։ Այդ պատճառով մինչև 2035 թվականը համաշխարհային շուկաներում պղնձի դեֆիցիտ կլինի։ Մասնավորապես, ցածր արտադրողականության դեպքում դեֆիցիտը, ըստ Ջանյանի, կկազմի 9.9 մլն տոննա, և, նույնիսկ, բարձր արտադրողականության դեպքում՝ 1.5 մլն տոննա ։ ԶՊՄԿ-ի ղեկավարի տեղակալը նշել է, որ այսօր համաշխարհային արտադրության ծավալը կազմում է շուրջ 20 մլն տոննա:

 

Նշելով, որ պղնձի դեֆիցիտը կհանգեցնի շատ բարձր գների, Ջանյանը նշել է, որ բոլոր կանխատեսումների համաձայն, մի քանի տարվա կտրվածքով մեծ հնարավորություններ կստեղծվեն պղինձ արտադրողների համար:

 

Միաժամանակ, միության նախագահը հիշատակել է նաև մոլիբդենը ՝ այն իր կարևորությամբ անվանելով երկրորդ մետաղը Հայաստանում։ Մասնավորապես, նա ընդգծել է, որ մոլիբդենը դասվում է այն կրիտիկական մետաղների շարքին, որոնք անհրաժեշտ են կանաչ էներգետիկային անցնելու համար:

 

<Լիթիումը կարևոր մետաղ է, բայց օգտագործվում է միայն կանաչ տեխնոլոգիաներից մեկում, մինչդեռ մոլիբդենը՝ տասը: Այսինքն, մոլիբդենի պահանջարկը կունենա բարձր աճ, ըստ տարբեր կանխատեսումների՝ 2-ից 4 անգամ>, - նշել է նա:

 

Ընդ որում, Ջանյանը հերքել է այն առասպելը, թե Հայաստանին բաժին է ընկնում մոլիբդենի համաշխարհային արտադրության 7-8 տոկոսը։ <Դա շատ հին տվյալներ է: Այժմ մասնաբաժինը կազմում է ընդամենը 1%: Բայց, ամեն դեպքում, դա նույնպես քիչ չէ, և պահանջարկի աճի ֆոնին մեզ համար մեծ հնարավորություններ են բացվում>, - եզրափակել է նա։

 

Ինչպես վկայում են ՀՀ վիճակագրական կոմիտեի տվյալները, հաշվետու ժամանակահատվածում Հայաստանում պղնձի խտանյութի արտադրությունը հունվար-հուլիսին աճել է տարեկան 14,5% - ով (նախորդ տարվա 21% անկման դիմաց)' կազմելով 173 հազար տոննա:

 

Ընդ որում, վատթարացել է մոլիբդենի խտանյութի արտադրության տարեկան դինամիկան՝ 2,7% աճից մինչեւ 39,7% անկում՝ կազմելով 9,7 հազար տոննա։