Արմինֆո.Եվրասիական տնտեսական երրորդ համաժողովի հարթակներում կայացել է Եվրասիական տնտեսական հանձնաժողովի ինտեգրման և մակրոտնտեսության հարցերով նախարար Էլդար Ալիշերովի աշխատանքային հանդիպումը Եվրասիական տնտեսական միության երկրների ազգային վիճակագրական ծառայությունների ղեկավարների հետ: Ինչպես հաղորդում Է Եվրասիական տնտեսական հանձնաժողովի մամուլի ծառայությունը, հանդիպման օրակարգի կարևորագույն հարցը վերաբերել է մինչև 2030 թվականը ԵԱՏՄ վիճակագրության ոլորտում ինտեգրման ռազմավարական զարգացման նպատակների, առանցքային խնդիրների և ուղղությունների սահմանմանը:
"Մշակելով եվրասիական վիճակագրության զարգացման ռազմավարական ուղղությունները հաջորդ հնգամյա ժամանակահատվածի համար՝ մենք կցանկանայինք, որպեսզի այն առավելագույնս լիարժեք բավարարի օգտատերերի ընդլայնվող տեղեկատվական պահանջները միության գործունեության և զարգացման գործընթացների վերլուծության համար, ինչպես նաև նպաստի եվրասիական ինտեգրման զարգացմանը, - նշել է Էլդար Ալիշերովը: --Որպեսզի վիճակագրությունն ավելի մատչելի, որակյալ և օգտակար դառնա, մենք պետք է համատեղ գործողություններ իրականացնենք ՝ հաշվի առնելով տեղեկատվական և հաղորդակցական տեխնոլոգիաների սրընթաց զարգացումը և տվյալների նոր աղբյուրները>:
Շարունակելով Միությունում վիճակագրական գործունեության հետագա զարգացման թեման՝ ազգային վիճակագրական ծառայությունների ղեկավարները կիսվել են ազգային վիճակագրական ծառայությունների երկարաժամկետ զարգացման ռազմավարությունների/պլանների մասին տեղեկատվությամբ և առաջարկություններ ներկայացրել հանձնաժողովի հետ համատեղ միջոցառումների իրականացման արդիական ուղղությունների վերաբերյալ։ Հանդիպման ընթացքում հատուկ ուշադրություն է դարձվել վիճակագրական ոլորտի թվայնացման քննարկմանը: Սա այն է, ինչից սկսվում է թվային օրակարգը, և այն, ինչն ուղեկցում է դրա իրագործմանը բոլոր փուլերում՝ ինչպես Միության պետություններում, այնպես էլ Եվրասիական տնտեսական հանձնաժողովում։
<Մենք գոհ ենք ձեռք բերված համագործակցության մակարդակից: Մեզ հաջողվել է համաձայնեցնել հետագա քայլերը համատեղ աշխատանքի կարևորագույն ուղղություններով, ինչը թույլ կտա բարձրացնել միության պաշտոնական վիճակագրական տեղեկատվության ներդաշնակեցման և համադրելիության աստիճանը", - ամփոփել է Էլդար Ալիշերովը։
Հանդիպման ավարտից հետո ԵՏՀ նախարարն այցելել է Հայաստանի Հանրապետության վիճակագրական կոմիտե, որտեղ հանդիպել է կոմիտեի ղեկավարության հետ և ծանոթացել ազգային վիճակագրության զարգացման ռազմավարական ուղղություններին:
