Հայկական ստարտափները հնարավորություն կունենան ներդրումներ ստանալ արգենտինացի լեգենդար ֆուտբոլիստ Լիոնել Մեսիի հիմնադրամից

Արմինֆո.Տեղեկատվական տեխնոլոգիաների համաշխարհային համաժողովի (WCIT2024) և DigiTec տեխնոլոգիական ցուցահանդեսի շրջանակներում Հայաստան կայցելի արգենտինացի լեգենդար ֆուտբոլիստ Լիոնել Մեսիի եղբայրը ՝ Ռոդրիգո Մեսին, և նրա մենեջմենթի տնօրենը:

Ինչպես հոկտեմբերի 3-ին կայացած մամուլի ասուլիսի ժամանակ պարզաբանել է Առաջատար տեխնոլոգիաների ձեռնարկությունների միության (ԱՏՁՄ) նախագահ Ալեքսանդր Եսայանը, արգենտինացի հարձակվողի եղբայրը Հայաստան կժամանի որպես նրա (Լիոնել Մեսսի) play Time VC հիմնադրամի ներկայացուցիչ ՝ տեղական ստարտափներին ծանոթանալու նպատակով, որպեսզի դիտարկի ներդրումների հնարավորությունները:

Այս հիմնադրամի (1.5 մլրդ դոլար ծավալով) կառավարիչները Մեսիից բացի նաև ԱՄՆ-ից մեր հայրենակից Ռազմիկ Հովակիմյանն է: Play Time VC-ն սպորտային հոլդինգ է, որը ներդրումներ է կատարում ամբողջ աշխարհում սպորտի, մեդիայի և տեխնոլոգիաների մեջ, ինչպես նաև աջակցում է ֆուտբոլային տեխնոլոգիաների նորաստեղծ հիմնադիրներին կամ ակումբներին:

Բացի այդ, Հայաստան կժամանեն Play Time VC-ի գործընկերները վենչուրային եւ ներդրումային հիմնադրամներից ։ Play Time VC գործընկերային ցանցը բավականին լայն է: Այս կապակցությամբ Ալեքսանդր Եսայանը կոչ է արել ստարտափներին լինել ակտիվ և առավելագույնս օգտագործել ընձեռված հնարավորությունները:

Նշենք, որ Ռազմիկ Հովակիմյանը Graph Ventures վենչուրային ընկերության գործընկերն է, Matchday ֆուտբոլային նախաձեռնության համահիմնադիրը:

Հիշեցնենք, որ WCIT-ը Հայաստանում կանցկացվի երկրորդ անգամ: Առաջին անգամ նման մասշտաբային միջոցառում մեր երկրում տեղի է ունեցել 2019 թվականին։

WCIT-2024-ի աշխատանքը մեկնարկելու է հոկտեմբերի 5-ին և տևելու է մինչև 7-ը՝ Կ.Դեմիրճյանի անվան մարզահամերգային համալիրում՝ "Արհեստական բանականությունը սահմաններից դուրս և էթիկայի շրջանակներում" կարգախոսի ներքո: Գիտաժողովին նախորդում է համերգ Հանրապետության հրապարակում (հոկտեմբերի 4-ին, ժամը 19:30) պետական սիմոֆնիական նվագախմբի և անվանի կատարող Ջեյսոն Դերուլոյի մասնակցությամբ:

WCIT -ին զուգահեռ հոկտեմբերի 4-8-ը <Մերիդիան> ցուցահանդեսային կենտրոնում տեղի կունենա ԴիջիԹեք տեխնոլոգիական ցուցահանդեսը:

WCIT 2024 / DIGITEC-ը կմիավորի հիմնական բանախոսներին պանելային քննարկումներում, կանցկացվեն հանդիպումներ B2B ձևաչափով։ Համաժողովի շրջանակներում կներկայացվեն նորարարություններ, կանցկացվեն բիզնես շնորհանդեսներ, սեմինարներ և այլ միջոցառումներ ։ Համաժողովի աշխատանքներին կմասնակցեն արհեստական բանականության ոլորտի առաջատար մասնագետներ, ովքեր կայցելեն ԴիջիԹեք, կծանոթանան ընկերություններին և դրանց տեխնոլոգիական ներուժին:

Լիոնել Մեսի հիմնադրամի գործունեությանը կարելի է ծանոթանալ հետևյալ հղումով ՝ https://www.playtime.vc/