Արմինֆո.Երկաթուղու ապաշրջափակման հարցում առայժմ փոխհամաձայնություն չկա։ Այդ մասին հոկտեմբերի 21-ին լրագրողներին հայտարարիել է փոխվարչապետ Մհեր Գրիգորյանը։
Նրա ասելով՝ Հայաստանի Հանրապետության, Ռուսաստանի Դաշնության և Ադրբեջանի Հանրապետության աշխատանքային խմբերում տվյալ հարցի վերաբերյալ միասնական կարծիք չկա: Այդ պատճառով չեն անցկացվում նաև տարածաշրջանի տրանսպորտային և տնտեսական հաղորդակցությունների ապաշրջափակման աշխատանքային խմբերի նիստեր։
"Դուք գիտեք, որ կան սկզբունքային հարցեր, որոնց շուրջ պետք է փոխհամաձայնություն լինի։ Քանի դեռ փոխհամաձայնություն չկա, անիմաստ է մանրամասների քննարկում անցկացնել",- ասել է փոխվարչապետը։
Հիշեցնենք, որ եռակողմ աշխատանքային խումբը ստեղծվել է 2021 թվականին ՝ Հայաստանի, Ռուսաստանի և Ադրբեջանի ղեկավարների որոշմամբ ՝ երեք երկրների փոխվարչապետների համանախագահությամբ ։ 2023 թվականի հունիսին խմբի 12-րդ նիստում համաձայնեցվել է ընդհանուր ըմբռնումը Հայաստանի և Ադրբեջանի միջև երկաթուղային հաղորդակցության վերականգնման և կազմակերպման վերաբերյալ ։ Կողմերը, գործնականում, հասել են համալիր հավասարակշռված պայմանավորվածության, սակայն հետագայում գործընթացը կանգ է առել։
RUB | 4.03 | 0.01 |
USD | 387.16 | -0.09 |
EUR | 419.99 | 0.02 |
GBP | 504.20 | -0.97 |
CAD | 280.08 | -0.72 |
JPY | 25.82 | -0.01 |
CNY | 54.43 | -0.09 |
CHF | 448.00 | 0.88 |