Արմինֆո.ինաստանը պատրաստ է սերտորեն համագործակցել Հայաստանի հետ էներգետիկայի ոլորտում և շահագրգռված է միջուկային էներգետիկայի բնագավառում փոխգործակցությամբ ։ Նոյեմբերի 12-ին այդ մասին հայտարարել է Հայաստանում Չինաստանի դեսպանության գործերի ժամանակավոր հավատարմատար Չեն Մինը՝ "Չինաստանի արդիականացում. հայ-չինական հարաբերություններ" միջազգային խորհրդաժողովի հարթակներում լրագրողների հետ զրույցում, պատասխանելով հարցին, թե արդյոք Երեւանն ու Պեկինը քննարկում են չինական կողմի աջակցությունը Հայաստանին նոր ատոմակայանի կառուցման գործում:
"Մենք գիտենք, որ Հայկական ԱԷԿ-ում նախատեսվում է վերանորոգման աշխատանքներ իրականացնել, ինչպես նաև քննարկվում է նոր ԱԷԿ-ի կառուցման հարցը։ Չինաստանը պատրաստ է մասնակցել այդ աշխատանքներին եւ օգնել հայ ժողովրդին բարելավել իր բարեկեցությունը", - նշել է դիվանագետը։
Նա հավելել է, որ Գեղարքունիքի մարզում Չինաստանը արևային էլեկտրակայանի կառուցման մեծ նախագիծ է իրականացնում, որը շուտով շահագործման կհանձնվի:
"Այսպիսով, չինական արևային էլեկտրակայանները կդառնան Հայաստանի էներգահամակարգի կարևոր մասը", - ասել է Չեն Մինը:
