Հայաստանում առաջին անգամ կանցկացվի միկրոէլեկտրոնիկայի միջազգային համաժողով

Արմինֆո.Հայաստանում առաջին անգամ կանցկացվի միկրոէլեկտրոնիկայի միջազգային համաժողով: Նոյեմբերի 14-ին միկրոէլեկտրոնիկայի օլիմպիադայի շրջանակներում կայանալիք համաժողովի կազմակերպիչն է Տեղեկատվական - հաղորդակցական տեխնոլոգիաների գործատուների միությունը (Union of Employers of Information and Communication Technologies-UEICT):

Համաժողովին կմասնակցեն ոլորտի առաջատար մասնագետներ և միկրոէլեկտրոնիկայով զբաղվող ընկերությունների ղեկավարներ, որոնք կպատմեն միկրոէլեկտրոնիկայի զարգացման այնպիսի ուղղությունների և միտումների մասին, ինչպիսիք են թվային միկրոսխեմաների նախագծումն ու թեստավորումը, անալոգային և խառը ազդանշանների միկրոսխեմաների նախագծումն ու փորձարկումը, կիսահաղորդչային սարքերն ու տեխնոլոգիաները, միկրոսխեմաների էլեկտրոնային նախագծման մաթեմատիկան և ալգորիթմները:

Համաժողովի շրջանակներում կկազմակերպվեն նաև B2B հանդիպումներ։ Միջոցառումն իրականացվում է Էլեկտրատեխնիկայի և էլեկտրոնիկայի ինժեներների ինստիտուտի  տեխնոլոգիաների փորձարկման տեխնիկական խորհրդի հետ համագործակցությամբ ։ Միջոցառման մուտքն ազատ է, սակայն նախնական գրանցմամբ ՝ հետևյալ հղումով՝ https://bit.ly/3Yck0Tc