ԱՄՀ-ի կանխատեսմամբ՝ 2025 թվականին Հայաստանում գնաճը կբարձրանա մինչև 3,9 տոկոս՝ ընդհուպ մոտենալով թիրախին

Արմինֆո.Արժույթի միջազգային հիմնադրամի (ԱՄՀ) նոր կանխատեսմամբ՝ 2024 թվականին Հայաստանում գնաճը կկազմի 1% (գնանկումային 0,6% - ի դիմաց), այնուհետև 2025 թվականին կբարձրանա մինչև 3,9%, աայդպիսով ընդհուպ կմոտենա թիրախային 4% - ին։ Այդ մասին նշվում է ԱՄՀ-ի "Համաշխարհային տնտեսության հեռանկարները. Քաղաքականության փոփոխություն, աճող սպառնալիքներ" զեկույցում:

2024 թվականի համար Հայաստանի ՀՆԱ - ի աճի կանխատեսումը ԱՄՀ-ը թողել է անփոփոխ՝ 6% մակարդակում (2023 թվականի 8,3% աճի դիմաց), միաժամանակ, վատթարացնելով 2025 թվականի սպասումները ՝ կանխատեսելով տեմպերի ավելի նկատելի դանդաղում՝ մինչև 4,9% (նախկինում կանխատեսվող մինչև 5,3% արգելակման դիմաց)։

Ընթացիկ հաշվի դեֆիցիտի հարաբերակցությունը ՀՆԱ-ի նկատմամբ, ըստ ԱՄՀ-ի Հայաստանի վերաբերյալ կանխատեսման, 2024 թվականին կաճի մինչև 4,2% (2023 թվականի 2,3% - ից), 2025 թվականին աննկատ աճով՝ մինչև 4,8%:

ԱՄՀ-ի այդ զեկույցում ներկայացվում է նաև վերը թվարկված ցուցանիշների 2024-2025թթ. կանխատեսումը Հայաստանի հարևան երկրների և նրա ԵԱՏՄ գործընկերների համար: Այսպես, գնաճի վերաբերյալ կանխատեսումը հետևյալն է. Վրաստանում սպասվում է 1,3%-ից մինչեւ 3% բարձրացում (2023թ. - ի 0,4% - ից); Ադրբեջանում՝  4,6% - ից մինչև 5% աճ (2023թ. - ի 2,1% - ից); Իրանում, ընդհակառակը, 30% - ից մինչև 28% նվազում (2023թ. - ի 32,2% - ից); Թուրքիայում ևս 43% - ից մինչև 24% նվազում (2023թ. 64,8% - ից); Ռուսաստանում մակարդակը սկզբում կպահպանվի 7,4% (ինչպես 2023 թվին), այնուհետև կնվազի մինչև 4,8%; Բելառուսում մինչև 6,4% աճից հետո (2023թ. 5,8% - ից) կհետևի աննշան անկում մինչև 6,3%%; Ղազախստանում սպասվում է 8%-ից մինչև 6,6% նվազում (2023թ. 9,8% - ից); իսկ Ղրղզստանում մինչև 5% (2023թ. 7,3% - ից) նվազումից հետո փոփոխություններ չեն լինի։

Վերը նշված երկրներում ՀՆԱ աճի վերաբերյալ ԱՄՀ-ը 2024-2025թթ. կանխատեսում է արգելակում. Վրաստանում սպասվում է, նախ, աճի աննկատ արագացում մինչև 7,6% (2023թ. 7,5% - ից), որին կհաջորդի տեմպերի դանդաղում մինչև 6%, Ադրբեջանում նույնպես աճի մինչև 3,2%  արագացումից հետո (2023թ. 1,1% - ից) կհետևի մինչև 2,5% արգելակում, Իրանում կշարունակվի աճի դանդաղումը 3,7% - ից մինչև 3,1% (2023թ. 5% - ից); Թուրքիայում տեմպերը կդանդաղեն 3% - ից մինչև 2,7% (2023թ. 5,1% - ից); Ռուսաստանում տեմպերի 3,6% մակարդակի պահպանումից հետո (ինչպես 2023թ.) կհետևի մինչև 1,3% արգելակում; Բելառուսում տեմպերը կշարունակեն դանդաղել 3,6% - ից մինչև 2,3% (2023թ. 3,9% - ից); Ղազախստանում տեմպերի մինչև 3,5% դանդաղումից հետո (2023թ. 5,1% - ից) կհետևի մինչև 4,6% արագացում, իսկ Ղրղզստանում ևս աճի մինչև 6,5% արագացումից հետո (2023թ. 6,2% - ից) կսկսվի մինչև 5% արգելակում։

Այս երկրներում ընթացիկ հաշվի դեֆիցիտի/պրոֆիցիտի հարաբերության երաբերյալ ԱՄՀ-ը 2024-2025 թվականների համար կանխատեսում է. Վրաստանում դեֆիցիտը կշարունակի աճել 5,8 տոկոսից մինչև 5,9 տոկոս (2023 թվականի 4,3 տոկոսից); Ադրբեջանում պրոֆիցիտը կնվազի 6,1 տոկոսից մինչև 5,9 տոկոս (2023 թվականի 11,5 տոկոսից); Իրանում պրոֆիցիտը դանդաղ առաջ կընթանա 2,9 տոկոսից մինչև 3 տոկոս (2023 թվականի 2,8 %-ից); Թուրքիայում դեֆիցիտը 2,2% - ից կնվազի մինչև 2,1% (2023թ.ի 4% - ից); Ռուսաստանում կպահպանվի պրոֆիցիտը, որը, նախ, կաճի մինչև 2,7% (2023թ. 2,5% - ից), այնուհետև կնվազի մինչև 2,6%; Բելառուսում դեֆիցիտը կշարունակի աճել 2% - ից մինչև 2,4% (2023թ. 1,8% - ից); Ղազախստանում դեֆիցիտը մինչև 1,5% նվազումից հետո (2023 թվականի 3,3% - ից) կբարձրանա մինչև 2,7%, իսկ Ղրղզստանում պատկառելի դեֆիցիտը կշարունակի կտրուկ նվազել՝ 21,7% - ից մինչև 6,5% (2023 թվականի 48,2% - ից)։