Ռուսաստանից Հայաստան փոխանցումների ներհոսքը շարունակում է կրճատվել, իսկ դեպի ԱՄՆ արտահոսքն՝ աճել երկնիշ տեմպերով

Արմինֆո. Հայաստան մասնավոր փոխանցումների զուտ ներհոսքի տարեկան անկումը 2024թ. հունվար-սեպտեմբերին արագացել է՝ 23,1%-ից մինչեւ 33,3%, այսինքն, բացարձակ թվերով 1.3 մլրդ դոլարից նվազել է մինչև 888 մլն դոլար։ Ընդ որում, ոչ առևտրային բնույթի փոխանցումների զուտ ներհոսքի անկումն արդեն երկրորդ տարին պահպանվում է 40% մակարդակում ՝ բացարձակ արտահայտությամբ նվազելով 701.4 մլն դոլարից մինչեւ 418.3 մլն դոլար։ Վերջիններիս մասնաբաժինը ընդհանուր զուտ ներհոսքում նվազել է տարեկան 53%-ից մինչև 47% (2022թ. 67% - ի դիմաց) ։ Այդ մասին են վկայում ՀՀ Կենտրոնական բանկի տվյալները։

Փոխանցումների դինամիկայի վատթարացում դիտվել է ինչպես Ռուսաստանի ուղղությամբ՝ զուտ ներհոսքը 23,4% աճից հասել է 15% անկման, այնպես էլ ԱՄՆ ուղղությամբ՝ զուտ ներհոսքի անկումն արագացել է  43,5%-ից մինչև 53,3%: Սա 2024 թվականի 9 ամիսների արդյունքներով Ռուսաստանից փոխանցումների զուտ ներհոսքը ձևավորել է 2.1 մլրդ դոլարի, և ԱՄՆ-ից՝ 74.5 մլն դոլարի մակարդակում։ Մասնավորապես,  Ռուսաստանի ուղղությամբ փոխանցումների ներհոսքն ու արտահոսքը կրճատվել է, համապատասխանաբար, 14,3%-ով և 11%-ով (նախորդ տարվա 29,5% և 71,3% աճի դիմաց), մինչդեռ, ԱՄՆ-ի ուղղությամբ երկու ցուցանիշներն էլ վերընթաց միտում են դրսևորել. ներհոսքը 2% անկումից հասել է 4,5% աճի, իսկ արտահոսքի աճը դանդաղել է 54%-ից մինչեւ 33%։

Արդյունքում՝ Ռուսաստանի մասնաբաժինը և ներհոսքում, և արտահոսքում նվազել է, իսկ ԱՄՆ-ինն՝ աճել ։ Այսպես, Ռուսաստանի մասնաբաժինը ներհոսքում մեկ տարվա ընթացքում նվազել է 70,4%-ից մինչև 65% ՝ հայտնվելով նույնիսկ 2022 թվականի նույն ժամանակահատվածի մակարդակից ցածր (67%), իսկ արտահոսքում, երկու տարի մնալով 17%-ի մակարդակում, նվազել է մինչև 14,6%։

Ընդ որում, ԱՄՆ-ի մասնաբաժինը ներհոսքում և արտահոսքում, դեռևս մեկ տարի առաջ կազմելով միանման 11%, այժմ բարձրացել է մինչև 13-14% ՝ դրանով իսկ արտահոսքով առաջ անցնելով 2022թ.մակարդակից (12%), իսկ ներհոսքով՝ գրեթե հասնելով 14%-ի (2022թ.)։