2024 թ. 9 ամիսներին Հայաստանի գործարարների վաճառքը Wildberries-ում աճել է 14,5 անգամ

Արմինֆո. 2024թ. 9 ամիսների ընթացքում Wildberries-ում հայաստանցի գործարարների վաճառքն աճել է 14,5 անգամ։ Այդ մասին ասվում է ընկերության հաղորդագրությունում։

Աղբյուրի համաձայն, Wildberries-ն ակտիվորեն զարգացնում է համագործակցությունը տեղի գործարարների հետ և ընդլայնում է արտադրանքի արտահանման հնարավորությունները Հայաստանի արտադրողների համար: Ավելի շատ ձեռնարկատերեր սկսում են իրենց բիզնեսը հարթակում. 2024 թվականի 9 ամիսների ընթացքում նրանց թիվն աճել է 345% - ով՝ նախորդ տարվա նույն ժամանակահատվածի համեմատ: 2024 թվականի 9 ամիսների ընթացքում նրանց թիվն աճել է 345% - ով ՝ նախորդ տարվա նույն ժամանակահատվածի համեմատ: Հայ վաճառողների վաճառքները 2024 թվականի հունվար-սեպտեմբերին դրամական համարժեքով ավելացել են տարեկան +1354% - ով։

Հայաստանում արտադրված ապրանքները հարթակում մեծ պահանջարկ ունեն հարթակում։ Այսպես, տեղական ապրանքների վաճառքը նշված ժամանակահատվածում դրամական համարժեքով աճել է 33% - ով՝ նախորդ տարվա համեմատ։ Առավել տարածված կատեգորիաներն են. կոսմետիկա, աքսեսուարներ, մթերք, կոշիկներ և սպիտակեղեն, ինչպես նաև ոսկերչական զարդեր, հագուստ մեծահասակների և երեխաների համար:

2024 թվականի 9 ամիսների ընթացքում դրամական համարժեքով վաճառքի ամենամեծ դինամիկա ունեցող տեղական ապրանքների կատեգորիան ներառում է մազերի պարագաներ (տարեկան 74 անգամ աճ), նորածինների համար ապրանքներ (17 անգամ), կոշիկի աքսեսուարներ (15 անգամ), ձեռքի աշխատանք, վարագույրներ և աքսեսուարներ (11 անգամ):

2024 թվականի հունվար-սեպտեմբեր ամիսներին տեղական ամենապահանջված ապրանքանիշերն են դարձել Bambak տեքստիլը, ELLASI կոշիկները, Artie մանկական հագուստը, Alex Textile հագուստը, ROYAL ARMENIA խմիչքները, <Պրիվետֆրուկտ> չրերը, YV SARKISIANTS և Simona shoes կոշիկները, Bambak Kids մանկական գիշերազգեստներն ու սպիտակեղենը, Mariann Gray կոսմետիկան և Salve ապրանքանիշի ապրանքները երեխաների համար։

Հայաստանի գործընկերները կարող են առաքումներ իրականացնել Երևանի տեսակավորման կենտրոն, որի մակերեսը կազմում է 8200 քմ: Ընթացիկ տարում հասանելի է դարձել գերծավալային ապրանքների  առաքումը երկրի ներսում <Marketplace> վաճառքի մոդելի համաձայն: Պատվերների թողարկման կետերի ցանցը ընդլայնվում է, 2024 թվականի հոկտեմբերի 1-ի դրությամբ ընդհանուր աճը կազմել է տարեկան 92%: Wildberries-ի պատվերների  գրեթե բոլոր ֆիրմային կետերը ընդունում են ապրանքները:

Ավելի ու ավելի շատ հայաստանցիներ առցանց գնումներ են կատարում։ 2024 թվականի 9 ամիսների ընթացքում ամենից շատ նրանք հարթակում պատվիրել են հագուստ, կոշիկ, կոսմետիկա, ավտոմոբիլային ապրանքներ, աքսեսուարներ, սպիտակեղեն, սմարթֆոններ, կենցաղային տեխնիկա, սպասք և տնային գույք, ինչպես նաև տեքստիլ տան համար:

"Մենք ձգտում ենք զարգացնել մեր ծառայությունները Հայաստանի բիզնեսի ներկայացուցիչների համար, որպեսզի ավելի շատ տեղական բրենդներ կարողանան դուրս գալ հարթակ և ուրախացնել միջազգային շուկաների գնորդներին, իսկ գործարարները մեծացնեն վաճառքներն ու ընդլայնեն իրենց բիզնեսն առցանց ։ Այսպես, ընթացիկ տարվա 9 ամիսների ընթացքում PRO Wildberries ձեռնարկատերերի կենտրոնի փորձագետները ավելի քան 200 վեբինար են անցկացրել գործող եւ ապագա գործընկերների համար ՝ հարթակ մուտք գործելու եւ բիզնես կաբինետի կառավարման համար",- նշել են Wildberries - ի մամուլի ծառայությունում ։