Արմինֆո. 2024 թվականին Հայաստանում անշարժ գույքին առնչվող գործարքների թիվն աճել է մոտ 13%-ով: Այդ մասին հայտարարել է Կադաստրի կոմիտեի ղեկավար Սուրեն Թովմասյանը՝ հունվարի 7-ի ամփոփիչ մամուլի ասուլիսի ժամանակ։
Մասնավորապես, նրա հավաստմամբ, անցած տարի անշարժ գույքին առնչվող գործարքների թիվը Հայաստանում կազմել է 247 926, որից 68 946-ը՝ Երևանում:
Թե մայրաքաղաքում, թե գրեթե բոլոր մարզերում նկատելի աճ կա (բացառությամբ Արմավիրի մարզի, որտեղ այն կազմել է 0,3 տոկոս)։ Երևանում աճը կազմել է 12%-ից մի փոքր ավելի, իսկ մարզերում՝ 13%-ից մի փոքր պակաս (Գեղարքինուկում ցուցանիշը հասել է 15% - ի)։
Ընդ որում, նվիրատվության պայմանագրերի գծով անկում է նկատվում։ Ինչպես հիշեցրել է Թովմասյանը, նախկինում օրենսդրական փոփոխություններ են կատարվել, եւ այժմ դրանք դուրս են բերվել Կադաստրի կոմիտեում կնքվող անվճար գործարքների կատեգորիայից եւ հանձնվել նոտարների վարույթին:
Անցած տարվա ընթացքում արձանագրվել է նաև գների աճ, որոնց վերաբերյալ տվյալները նույնպես կհրապարակվեն հունվարի վերջին։
