Արմինֆո.ՀՀ ՏԿԵ նախարար Դավիթ Խուդաթյանն ընդունել է Համաշխարհային բանկի հայաստանյան գրասենյակի ղեկավար Կարոլին Գեգինատի գլխավորած պատվիրակությանը։
ՏԿԵՆ հաղորդագրության համաձայն, նախարարը ղջունել է հյուրերին և հայտնել պատրաստակամություն՝ շարունակել Համաշխարհային բանկի և Տարածքային կառավարման և ենթակառուցվածքների նախարարության հետ առկա համագործակցությունը։
Համաշխարհային բանկի և ՏԿԵՆ-ի համագործակցության պորտֆեյլը բավական մեծ է, համատեղ մեծ թվով ծրագրեր են իրականացնում։
Հանդիպման ընթացքում քննարկվել են ջրային ոլորտում Համաշխարհային բանկի հետ համագործակցությամբ պլանավորված «Ջրի և ոռոգման ծառայությունների բարելավման ծրագիրը»։
Հիշեցնենք, որ 1992 թվականին Հայաստանում իր գործունեության մեկնարկից ի վեր Համաշխարհային բանկը Հայաստանին տրամադրել է շուրջ 2,7 մլրդ դոլար ՎԶՄԲ-ից, Զարգացման միջազգային ասոցիացիայից և տարբեր հավատարմագրային հիմնադրամներից: Հայաստանը ԶՄԱ անդամ է դարձել 2023 թվականին։
