Զախարովա․ԵԱՏՄ-ին Հայաստանի անդամակցությունը որոշակի տնտեսական օգուտներ է բերում, որոնք կկորսվեն եվրաինտեգրման դեպքում

Արմինֆո. Հայաստանի անդամակցությունը Եվրասիական տնտեսական միությանը (ԵԱՏՄ) որոշակի տնտեսական օգուտներ է բերում այդ հանրապետությանը, որոնք կզրոյանան եվրաինտեգրման դեպքում: Այս մասին հունվարի 31-ին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նրա ասելով՝ այդ փաստը հաստատել է նաև պաշտոնական Երևանը, պատմելով այն բոնուսների մասին, որոնք ստանում է Հայաստանի ժողովուրդը։ Զախարովան նշել է, որ ԵՄ-ին Հայաստանի հնարավոր անդամակցության հարցը և դրա հետ կապված ռիսկերը բարձրացվել են նաև Հայաստանի արտգործնախարարի և ՌԴ գործընկերոջ հանդիպման ժամանակ ՝ Մոսկվա կատարած այցի ընթացքում: Այնուհետև նա ներկայացրել է վիճակագրական տվյալներ այն օգուտների մասին, որոնք Հայաստանը ստացել է ԵԱՏՄ անդամակցությունից այս տարիների ընթացքում, նշելով, որ 2015 թվականից ի վեր ՀՀ-ից արտահանումը ԵԱՏՄ երկրներ աճել է 10 անգամ:

"Պաշտոնական Երևանն իրավունք ունի ինքնուրույն որոշելու իր արտաքին քաղաքական վեկտորը ՝ դա պետության ինքնիշխան իրավունքն է։ Պարզապես, պետք է հասկանալ, թե դա ինչի կհանգեցնի", - ասել Է Զախարովան ՝ միաժամանակ կոչ անելով դիտարկել նման որոշումների գործնական կողմը ՝ առանց ավելորդ քաղաքականացնելու եւ սեւի ու սպիտակի բաժանելու։

Նրա խոսքով ՝ բոլոր այն դիվիդենտները, որոնք Հայաստանը ստացել է ԵԱՏՄ-ից, եվրաինտեգրման արդյունքում կկորչեն։ ՌԴ ԱԳՆ ներկայացուցիչը նշել է, որ այդ մասին բազմիցս հայտարարել է ՌԴ կառավարության փոխնախագահ Ալեքսեյ Օվերչուկը: Զախարովան կարծում է, որ հայ հասարակությանը պետք է ազնվորեն պատմել այդ քայլի հետևանքների մասշտաբների մասին։

"Տեղի կունենա տասնամյակի ընթացքում հաստատված արտադրական շղթաների ցավոտ խզում։ Կկորչի ԵԱՏՄ ծավալուն շուկան, արտոնություններով առևտուր իրականացնելու հնարավորությունը։ Հայկական ապրանքների արտահանումը որոշ գնահատականներով կկրճատվի 80 տոկոսով", - նշել է նա ՝ ընդգծելով կարճ ժամանակում այդ կորուստները վերականգնելու անհնարինությունը։ Դիվանագետը հիշեցրել է այն խնդիրների մասին, որոնց հայկական արտադրանքը կբախվի եվրոպական շուկաներ հասնելու ճանապարհին, ինչը կհարվածի երկրի ՀՆԱ-ին, եւ, պարզապես,  բնակչության աղքատացմանը:

Նա նաև թերահավատորեն է վերաբերվել, որ հավաքական Արևմուտքը կփոխհատուցի Հայաստանի բոլոր կորուստները՝ եվրասիական շուկայից հրաժարվելու արդյունքում։ Զախարովան նշել է, որ ԵՄ երկրները տնտեսական ճգնաժամ ունեն։

Միևնույն ժամանակ, ռուս դիվանագետը կարծում է, որ դժվար թե կարդարացվեն եվրաիտեգրացման օգտին հանդես եկողների հույսերը, ովքեր կարծում են, թե ԵՄ-ի հետ առևտրային հարաբերությունները կբարելավվեն ԵԱՏՄ-ից հանրապետության դուրս գալուց հետո:

"Ապրանքներ, մենք այս դեպքում խոսում ենք Հայաստանի մասին, Եվրոպայում և ԱՄՆ-ում ոչ ոք չի սպասում։ Սսպասեին՝ արդեն կվերցնեին, համաձայնեք։ Ո՞րն է խնդիրը: Ինչու՞ չեն վերցնում, եթե այդքան ուզում են օգնել, և ապրանքներն այդքան անփոխարինելի են: Նրանք հիմա արդեն կվերցնեին դրանք",- նշել է ՌԴ ԱԳՆ պաշտոնական ներկայացուցիչը։

Զախարովան նաև հայտարարել է, որ 2024 թվականին Հայաստանի առևտուրը ԵՄ-ի և ԱՄՆ-ի հետ զգալիորեն նվազել է և մոտ 6 անգամ պակաս է Ռուսաստանի հետ ապրանքաշրջանառությունից:

ՀՀ վիճակագրական կոմիտեի տվյալներով՝ ԵԱՏՄ երկրների հետ Հայաստանի  առևտրաշրջանառությունը 2025թ. հունվար-նոյեմբերին կազմել է 11.9 մլրդ դոլար, ինչը 68.3% - ով բարձր է նախորդ տարվա ցուցանիշից։ Ընդ որում, արտահանումը կրճատվել է 10,1% - ով՝ մինչև 3,1 մլրդ դոլար, ներմուծման 2,4 անգամ աճի ֆոնին ՝ մինչև 8,8 մլրդ դոլար։ ԵԱՏՄ-ին բաժին է ընկնում արտաքին առևտրի ծավալի 42,2% - ը։