Արմինֆո. ՀՀ ԷՆ Զբոսաշրջության կոմիտեի նախագահ Լուսինե Գևորգյանը Էկոնոմիկայի նախարարությունում հյուրընկալել է Հայաստանում Հնդկաստանի արտակարգ և լիազոր դեսպան Նիլակշի Սահա Սինհային և իր պատվիրակությանը։
Զբոսաշրջության կոմիտեի հաղորդագրության համաձայն, հանդիպման ընթացքում կողմերը փոխանակել են տեղեկատվություն առկա վիճակագրության, վիզային քաղաքականության և չվերթների վերաբերյալ՝ քննարկելով Հայաստանի և Հնդկաստանի միջև զբոսաշրջության բնագավառում առկա զարգացումները և համագործակցության հնարավորությունները:
«Առաջ է բերվել նաև վիզայի հեշտականացման հարցը։ Նախատեսվում է նոր նախագիծ՝ ճանաչողական առցանց հանդիպում երկու երկրների զբոսաշրջային ընկերությունների ներկայացուցիչների միջև։
Հետագայում պլանավորվում է նաև փոխճանաչողական այցեր երկու երկրներում գործունեություն ծավալող բլոգերների մասնակցությամբ։
Հանդիպումն ավարտվեց հետաքրքիր գաղափարի քննարկմամբ՝ հնդկական ֆիլմի օրեր Մոսկվա կինոթատրոնում։
Հանդիպման արդյունքների և անելիքների մասին իմանալու համար հետևեք Զբոսաշրջության կոմիտեի սոցիալական հարթակներին», - ասվում է հաղորդագրությունում։
