Արմինֆո.: Պետությունն ի վիճակի չէ փակել "սողանցքները", որոնք խոշոր բիզնեսին թույլ են տալիս օգտվել շրջանառության հարկի արտոնյալ համակարգից, եւ այդ ամենը «փլվում է փոքր բիզնեսի գլխին»։ Այդ մասին փետրվարի 25-ին հայտարարել է ՓՄՁ ասոցիացիայի փոխնախագահ Արման Պետրոսյանը՝ շրջանառության հարկի դրույքաչափի կրկնակի բարձրացման թեմայի շուրջ քննարկման ժամանակ։
Փորձագետը չի բացառում, որ այսօր շատ տնտեսվարողներ գնում են բիզնեսը մասնատման, որպեսզի տեղավորվեն շրջանառության հարի սահմանված շրջանակներում։ Շատ երկրներ բախվում են դրան: Բայց նրանք, հասկանալով, որ համակարգը կարող է դառնալ ցատկահարթակ միկրոբիզնեսի համար, մշակում են անբարեխիղճ հարկատուների դեմ պայքարի մեխանիզմներ, այլ ոչ թե ամբողջ համակարգը «կտրում են արմատից»:
Մինչդեռ, շրջանառության հարկի դրույքաչափի բարձրացումը կհանգեցնի ապրանքների և մանր և փոքր բիզնեսի կողմից մատուցվող ծառայությունների թանկացման։ Ավելի բարդ հաշվապահությանը տիրապետելու համար վերջիններս ստիպված կլինեն վարձել ավելի թանկ հաշվապահներ: Շատերը կփակվեն, շատ ոլորտներ, այդ թվում ՝ զբոսաշրջությունը, կկորցնեն գրավչությունը։ Այդ առնչությամբ, փորձագետի կարծիքով, կասկած է հարուցում այն, որ իշխանություններին կհաջողվի հասնել անգամ հայտարարված ֆիսկալ նպատակին՝ հավաքել լրացուցիչ մոտ 18 մլրդ դրամ։
