Արմինֆո.Ռուսաստանից դեպի Հայաստան բեռնափոխադրումները 2024 թվականին կրճատվել են 8%-ով, հակառակ ուղղությամբ՝ 29%-ով։ Այդ մասին ասվում է բեռնափոխադրումների ATI.SU միջազգային բորսայի հետազոտության մեջ:
Աղբյուրը նշում է, որ Հայաստանի հիմնական գործընկերներն են Ռուսաստանն ու Բելառուսը։ Սակայն ակտիվորեն աճում են եվրոպական (Ֆրանսիա, Նիդերլանդներ) եւ ասիական (Ղազախստան) ուղղությունները: Ընդ որում, վերլուծաբանները մատնանշել են արտահանման-ներմուծման փոխադրումների աճի վերսկսումը՝ Լեռնային Ղարաբաղում հակամարտության կայունացումից հետո:
Միեւնույն ժամանակ, նրանք նշել են մեծ կախվածությունը եղանակային/սեզոնային գործոններից, հաշվի առնելով, որ Հայաստանի առեւտրի հիմնական ծավալն ընթանում է Ռազմավիրական ճանապարհով (Վերին Լարսի անցակետով), որը վաղուց արդիականացում է պահանջում: Բորսայի տվյալների համաձայն, I եռամսյակում Հայաստանից արտահանման միջազգային բեռնափոխադրումները կրճատվել են 59 տ.կ. - ով, II եռամսյակում' 18 տ.կ. - ով, III եռամսյակում գրանցվել է 11 տ.կ.-ի աճ, իսկ IV եռամսյակում ՝ կրկին նվազում 22 տ.կ.-ով : Ներմուծման գծով պատկերը հետևյալն է. I եռամսյակ' անկում 20 տ. կ. - ով, II եռամսյակ' 15 տ. կ.-ով, III եռամսյակ' աճ 20 տ. կ.-ով, IV եռամսյակ՝ անկում 9 տ.կ.-ով: Ընդ որում, ինչպես ասվում է հետազոտության մեջ, ներքին բեռնափոխադրումները 2024 թվականին կրճատվել են 57 տոկոսով։
Նշենք, որ ըստ ՀՀ վիճակագրական կոմիտեի տվյալների, Հայաստանում բեռնափոխադրումների ծավալը 2024 թվականին կրճատվել է 7,7%-ով (2023 թվականի 2,2% անկման դիմաց)՝ կազմելով 16 831,5 հազար տոննա։ Բեռնափոխադրումների բոլոր տեսակների գծով անկում է գրանցվել, բացառությամբ օդային տրանսպորտով փոխադրումների, որոնք 2024 թվականին պահպանել են աճը ՝ տեմպերի որոշակի արգելակմամբ՝ 45,5%-ից մինչեւ 24,5%՝ կազմելով 42,2 հազար տոննա։
Ընդ որում, գերիշխող ավտոմոբիլային բեռնափոխադրումները, որոնց բաժին է ընկնում 79,5%-ը կամ 13 389,6 հազար տոննա, նվազել են 5,3%-ով (2023թ. 8,7% աճի դիմաց)։
Երկաթուղային բեռնափոխադրումների անկումը 2024 թվականին դանդաղել է 40,1 տոկոսից մինչև 31,4 տոկոս՝ կազմելով 1 442,5 հազար տոննա։
Մայ գազատարով 2024 թվականին մատակարարվել է 1 957,2 հազար տոննա բնական գազ՝ տարեկան 0,2% անկմամբ (2023 թվականի 8,1% անկման դիմաց)։
Հիշեցնենք, որ ATI.SU-ն բեռնափոխադրումների բորսա է և Ռուսաստանում ու ԱՊՀ-ում տրանսպորտային լոգիստիկայի ծառայությունների ամենախոշոր էկոհամակարգը, որն ունի ավելի քան 30 տարվա պատմություն: Բորսայի գործունեությունն ուղղված է բեռնափոխադրումների շուկայի մասնակիցների համար գործընթացների օպտիմալացմանը և ավտոմատացմանը: ATI.SU-ի ծառայություններից օգտվում է բեռնափոխադրումների շուկայի ընկերությունների ավելի քան 85%-ը: Բորսան ներկայացուցչություններ ունի Ռուսաստանում, Ղազախստանում, Բելառուսում, Ուզբեկստանում, Ղրղզստանում, Հայաստանում և Եվրամիությունում:
