Հունիսի սկզբին Երևանում կմեկնարկի զբոսաշրջիկների շրջանում սիրված Yerevan Wine Days փառատոնը

Արմինֆո.Հունիսի սկզբին Երևանում կընթանա արդեն ավանդական դարձած եւ սիրված Yerevan Wine Days (YWD) փառատոնը:

Փառատոնը, ավանդույթի համաձայն, կընթանա քաղաքի կենտրոնական փողոցներում և մեկ հարթակում կմիավորի գինեգործներին, ռեստորատորներին, երաժիշտներին, քաղաքի բնակիչներին, մայրաքաղաքի հյուրերին և զբոսաշրջիկներին: Գինու օրերը ոչ միայն նշանակալի մշակութային իրադարձություն են, այլև կարևոր խթան են Հայաստանում զբոսաշրջության զարգացման համար:

Այս տարի փառատոնի կազմակերպիչները կզարմացնեն այցելուներին նոր առաջարկով։ Մասնավորապես, Yerevan Wine Days-ը նախապատրաստել է 20 երթուղի ճանապարհոդությունների համար, որոնք ներառում մշակույթ, գինի, պատմություն, հույզեր:

<Մենք պատրաստել ենք 20 փոքրիկ զբոսաշրջային քարտեզ, որոնք կօգնեն ընտրել օրվա համար ցանկալի երթուղին և բացահայտել Երևանի և մարզերի գինու և արվեստի ուղղությունները: Քարտեզները ներառում են այցելություններ թանգարաններ, որտեղ կարելի է ծանոթանալ հայկական գինու պատմությանը, մշակույթին և արվեստին, գինեգործությանը, համտեսել լավագույն գինիները, ծանոթանալ դրանց արտադրությանը, զբոսնել խաղողի այգիներում և վայելել ընթրիք հենց տեղում>, - ասվում է YWD հաղորդագրության մեջ։

Որպես օրվա տրամաբանական շարունակություն՝ կազմակերպիչները հրավիրում են ներկա գտնվել Երևանի գինու օրերին:

Միջոցառման մուտքն անվճար է, սակայն ցանկացողները կարող են ձեռք բերել , որը ներառում է Yerevan Wine Days բրենդավորված գավաթ, 12 կտրոն, գավաթի բրենդավորված պատյան, միջոցառման քարտեզով տեղեկատվական գրքույկ, գլխավոր խաղարկության կտրոն, մասնակից գինու ընկերությունների մասին տեղեկատվություն՝ QR կոդերով: