Արմինֆո. Հայաստանի տնտեսությունում կարող են լայնածավալ փոփոխություններ տեղի ունենալ մեր կյանքի տարբեր ճյուղերում' շինարարությունում, սննդամթերքի արտադրությունում և այլն միջազգային ստանդարտների ներդրումից հետո: Մայիսի 6-ին մամուլի ասուլիսի ժամանակ նման կարծիք է հայտնել ՀՀ Կենտրոնական բանկի նախագահ Մարտին Գալստյանը:
"Օրինակ, որոշենք, որ եվրոպական չափորոշիչներին համապատասխան կաթնամթերք պետք է արտադրենք ։ Դա, բնական է, տնտեսության համար արտադրողականության հնարավորություն, բայց մենք գիտենք, որ կլինեն նաեւ բիզնեսներ, որոնք կփակվեն", - պարզաբանել է նա։
ԿԲ ղեկավարը նշատել է, որ նման որոշումներն, անշուշտ, բարդ ու ցավոտ են լինելու, բայց երկարաժամկետ կտրվածքով տնտեսական աճի շարունակականությունն ապահովելու այլ ճանապարհ, նրա կարծիքով, դժվար է պատկերացնել:
Բացի այդ, Գալստյանը նշել է կրթության, R&D մեջ ներդրումներ կատարելու անհրաժեշտությունը: "Երկրում պետք է լինի կայուն մակրոտնտեսական իրավիճակ, բայց նաև շատ բան պետք է փոխվի ցավոտ և բարդ բարեփոխումների միջոցով, որոնք թույլ կտան ավելի լավ չափորոշիչներ ներդնել, քան մենք ունենք այսօր", - ընդգծել է նա:
