Արթուր Խաչատրյան. Հայաստանը տնտեսական ճգնաժամի եզրին է

Արմինֆո.  ԱԺ ընդդիմադիր "Հայաստան" խմբակցության պատգամավոր Արթուր Խաչատրյանը խոստանում է առաջիկա օրերին շատ ավելի մանրամասն անդրադառնալ Հայաստանի տնտեսական պատկերին, «այս իշխանությունների խայտառակ ձախողումներին, որոնք Հայաստանը մղում են դեպի տնտեսական ճգնաժամ ու ավելի խորը պարտքային փոս։ Այսօր խորհրդարանականը միայն հայտարարում է, որ երկիրը տնտեսական ճգնաժամի եզրին է, և ներկայացնում  մի քանի փաստ։

«2025 թվականի առաջին եռամսյակում.

1. 29,5% - ով (397.8 մլրդ դրամ) քիչ հարկ է հավաքվել։ Եվ սա այն դեպքում, երբ իշխանությունները միացրել են հարկային մամլիչը։

2. Ֆիզիկական անձանց անունով զուտ տրանսֆերտները (դոլարային արտահայտությամբ) համեմատած նախորդ տարվա առաջին եռամսյակի հետ նվազել են 1.94 անգամ։

3. Արդյունաբերական արտադրանքի ծավալը համեմատած նախորդ տարվա առաջին եռամսյակի հետ նվազել է 18.5% - ով։ Արտահանումները նվազել են 61.8%-ով, իսկ ներմուծումները՝ 47.9%-ով։ Տնտեսական ակտիվությունն աճել է ընդամենը 4.1%-ով։

4. ՀՀ պետական պարտքը համեմատած նախորդ տարվա առաջին եռամսյակի հետ (դոլարային արտահայտությամբ) աճել է 11.7%-ով (1.42 մլրդ դոլարով)», - գրել է խորհրդարանականը՝ «Ֆեյսբուքի» իր էջում։