Հայաստանի արտարժույթի միջբանկային շուկայում 2025թ. մայիսի 12-16-ը դոլարային գործարքներն աճել են

Արմինֆո. Հայաստանի արտարժույթի միջբանկային շուկայում 2025թ. մայիսի 12-16-ը դոլարային գործարքներն աճել են, իսկ ռուբլով գործարքները՝ նվազել։ Եվրոյով գործարքներ արդեն երկու ամսից ավելի չեն իրականացվում։ Մասնավորապես, ռուբլով գործարքների շաբաթական թրենդը 64,3 տոկոս աճից շրջադարձ է կատարել դեպի 30,4 տոկոս անկում, ինչին զուգընթաց դոլարային գործարքների թրենդը 38,2 տոկոս անկումից հասել է 62 տոկոս աճի։ Արդյունքում՝ դոլարային գործարքների ընդհանուր շաբաթական ծավալը կրկին սկսել է գերակշռել ռուբլով գործարքների նկատմամբ՝ 1,7 անգամ, այն դեպքում, երբ մեկ շաբաթ առաջ պատկերը հակառակն էր. ռուբլով գործարքները 1,3 անգամ գերազանցել են դոլարային գործարքների նկատմամբ։

Դրան զուգընթաց, արտարժույթի ներբանկային շուկայում հաշվետու շաբաթվա ընթացքում (12-16.05.25-ը ՝ 05-08.05. 25-ի համեմատ) դոլարի, եվրոյի և ռուբլու առքուվաճառքի միտումը անկումից հասել է աճի, ընդ որում,  աճի տեմպերը բարձր են եղել։

Արդյունքում՝ ս. թ. մայիսի 12-16-ը դրամը շարունակել է արժևորվել դոլարի նկատմամբ' 389,3-ից մինչև 386,8 դրամ/1դոլար, տրամադրվելով արժևորման նաև եվրոյի նկատմամբ' 441,5-ից մինչև 434,5 դրամ/1եվրո, ընդ որում, հետագայում ևս թուլանալով ռուբլու նկատմամբ' 4,65-ից մինչև 4,73 դրամ/1ռուբլի: Մեկ տարի առաջ ՝ 2024թ. մայիսի 16 - ին դրամի փոխարժեքը դոլարի նկատմամբ կազմել է 388 դրամ/1դոլար, եվրոյի նկատմամբ՝ 420 դրամ/1եվրո, ռուբլու նկատմամբ՝ 4,23 դրամ/1ռուբլի, ինչը ներկայիս փոխարժեքների համեմատ վկայում է դոլարի նկատմամբ դրամի տարեկան արժևորման, եվրոյի և ռուբլու նկատմամբ արժեզրկման մասին։