Հայաստանում գինու արտադրությունը շարունակում է նվազել

Արմինֆո.  Հայաստանում գինու արտադրությունը շարունակում է նվազել։ ՀՀ վիճակագրական կոմիտեի տվյալների համաձայն, 2025թ. հունվար-ապրիլ ամիսներին արտադրվել է 1.8 մլն լիտր գինի, ինչը 38.8%-ով պակաս է նախորդ տարվա ցուցանիշից։ Ընդ որում, փրփրուն գինու (շամպայնի) ծավալները տարեկան կտրվածքով կրճատվել են 28% - ով՝ մինչև 283.1 հազար լիտր։

Նկատելիորեն նվազել են նաև կոնյակի արտադրանքի ծավալները։ Մասնավորապես, հաշվետու ժամանակահատվածում կոնյակի արտադրությունը կրճատվել է 32,3% - ով' մինչև 4,5 մլն լիտր: Անկում է արձանագրվել նաև օղու, լիկյորի և այլ ոգելից խմիչքների գծով' 7% - ով ' մինչև 431,1 հազար լիտր:

Հայաստանում արտադրվող ալկոհոլային արտադրանքի մնացած տեսակների գծով աճ է գրանցվել։ Մասնավորապես, վիսկիի արտադրության ծավալն աճել է 76,7% - ով և կազմել 883.9 հազար լիտր, իսկ գարեջրինը՝ 4,7% - ով՝ մինչեւ 6.9 մլն լիտր: