Արմինֆո. Երևանի մետրոպոլիտենի 11-րդ՝ «Աջափնյակ» կայարանի նախագծային փաթեթն արդեն իսկ ստացել է պետական համալիր փորձաքննության դրական եզրակացությունը: Այդ մասին հաղորդում է Երեւանի քաղաքապետարանի մամուլի ծառայությունը:
«Սա նշանակում է, որ կայարանի կառուցման մասով արդեն մեկնարկում են հաջորդ փուլի գործընթացները, մասնավորապես՝ ամբողջական ֆինանսավորման հաստատումը ՀՀ կառավարության կողմից, ազդեցության ենթակա տարածքում օտարման և տարաբնակեցման աշխատանքները, շինարարության մրցույթի նախապատրաստումը», - նշվում է հաղորդագրությունում:
Նախագծի ընթացքը և առաջիկա քայլերը քննարկվել են Երևանի քաղաքապետ Տիգրան Ավինյանի և «Մետրոգիպրոտրանս» ընկերության տնօրենների խորհրդի նախագահ Վալերի Աբրամսոնի հանդիպման ընթացքում:
Ներդրումային փաթեթն արդեն իսկ ներկայացված է ՀՀ կառավարություն՝ ՀՀ վարչապետի նախագահությամբ գործող Հանրային ներդրումային կոմիտեում որոշումներ ընդունելու համար։ Առաջիկայում նաև Երևանի քաղաքապետարանը պաշտոնական շրջանառության մեջ կդնի հանրային գերակա շահի մասին որոշման նախագիծը:
Քաղաքապետ Ավինյանը բարձր է գնահատել «Մետրոգիպրոտրանս» ընկերության հետ ձևավորված արդյունավետ համագործակցությունը և վստահություն հայտնել, որ համատեղ աշխատանքը շարունակական կլինի նաև կայարանի կառուցան փուլում։
Հիշեցնենք, որ օրեր առաջ Երևանի փոխքաղաքապետ Լևոն Հովհաննիսյանը Հայ-ռուսական միջտարածաշրջանային համաժողովի ընթացքում հաղորդել էր, որ շինարարական աշխատանքների մեկնարկը նախատեսվում է ընթացիկ տարվա վերջին կամ 2026 թվականի սկզբին: Նա նշել էր, որ մետրոյի "Աջափնյակ" կայարանը ռազմավարական է, քանի որ սպասարկելու է մայրաքաղաքի ամենաբնակեցված թաղամասերից մեկը (115 հազար մարդ) եւ, գտնվելով Հրազդան գետի աջ ափին, առանցքային հանգույց է դառնալու մայրաքաղաքի մետրոպոլիտենի հետագա ընդլայնման համար: Նոր կայարանը, Հովհաննիսյանի խոսքով, նոր ճյուղի ընդհանուր երկարությունը կկազմի մեկուկես կիլոմետր՝ ներառյալ կիրճով անցնող 210 մետրանոց կամուրջը:
Մետրոյի նոր կայարանը Երեւանին տարեկան մինչեւ 14 հազար նոր ուղեւոր կտա, կկրճատի CO2-ի արտանետումները ՝ տարեկան մինչեւ 7 հազար տոննա, իսկ ուղեւորների համար ժամանակի խնայողությունը կկազմի մինչեւ 30 րոպե մեկ ուղեւորության համար: Նախագծի ընդհանուր արժեքը, ինչպես նշել էր Հովհաննիսյանը, կկազմի մոտ 250 մլն դոլար, իսկ շինարարությունը կտեւի մինչեւ 5 տարի:
Իշխանությունները դադար են վերցնում... Պարզվում է՝ Հայաստանը պատրաստ չէր արևային էներգետիկայի բումին
ԵՏՀ նախարար. 10 տարվա ընթացքում Եվրասիական միությունն ապացուցել է իր արդյունավետությունը 
Բաց նամակ՝ Ուղերձ «Կրիպտոակտիվների մասին» հավասարակշռված և արդի օրենքի փոխադարձաբար ընդունելի մոտեցման հասնելու համար:
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%
Թրամփի առանձնատանը կայացել են Նարեկ Մկրտչյանի հանդիպումները մի շարք ամերիկացի գործիչների հետ