Արմինֆո. "Հայաստանի էլեկտրական ցանցեր" ՓԲԸ-ն, որը մտնում է "Տաշիր" ընկերությունների խմբի կոնտուրի մեջ, բոլոր օրինական միջոցներով պաշտպանելու իր շահերը, հատկապես, երբ դիտվում է "խաղ առանց կանոնների": Այդ մասին հունիսի 30-ին կայացած մամուլի ասուլիսում հայտարարել է ընկերության գլխավոր տնօրենի պաշտոնակատար Դավիթ Ղազինյանը՝ մեկնաբանելով ընկերության շուրջ ստեղծված իրավիճակը։
Նրա խոսքով, "Տաշիր" ընկերությունների խմբի նախագահ Սամվել Կարապետյանի ձերբակալությունից անմիջապես հետո պարզ դարձավ, որ իշխանություններն ամեն գնով մտադիր են ազգայնացնել ՀԷՑ-ը: Գիտակցելով իրադարձությունների նման զարգացումը, ինչպես նշել է Ղազինյանը, ընկերությունը միջազգային գործընկերների հետ համատեղ մշակել է պայքարի ռազմավարություն, որը նախատեսում է բոլոր օրինական եղանակների կիրառում՝ ինչպես հանրապետության ներսում, այնպես էլ միջազգային հարթակներում: Ընդ որում, նա հրաժարվել է բացահայտել ռազմավարության բովանդակությունը ՝ վկայակոչելով դրա փակ լինելը։
Գլխավոր տնօրենի պաշտոնակատարն ընդգծել է, որ ազգայնացման նպատակով ներկայացված օրինագծերը, պարզապես, անգրագետ են կազմված։ Ինչպես նշել է Ղազինյանը, հետաքրքրական է, որ, ինչպես փաստաթղթերի փաթեթի մշակման, այնպես էլ բուն "ազգայնացման" գործընթացի ընթացքում ՀԷՑ-ի ղեկավարության հետ որևէ մեկը որևէ քննարկում չի ունեցել: "Հնարավոր է, վախենում են, որովհետև գիտեն, որ մեր հիմնավորումներն ավելի քան համոզիչ են։ Պետք է նաև նկատի ունենալ, որ Հանրային ծառայությունները կարգավորող հանձնաժողովը երբևէ ընկերության հետ կապված հարցեր չի ունեցել։ Այդ քայլին գնալով՝ գրեթե զրոյանում է նաև պետական մարմնի աշխատանքը՝ ի դեմս ՀԾԿՀ-ի, որն անգամ ընկերության աշխատանքում թերացումների մասին ակնարկ չի արել",- ասել է գլխավոր տնօրենի պաշտոնակատարը։ Նա նշել է, որ 2015 թվականին, երբ "Տաշիր" ԸԽ-ը ձեռք բերեց ՀԷՑ-ը, նրա վիճակը շատ վատ էր: Այն ժամանակ միջազգային գործընկերների հետ համատեղ մշակվեց ՀԾԿՀ-ի կողմից հաստատված ներդրումային ծրագիր, որը հետևողականորեն իրականացվում է։ Այդ ծրագրի արդյունքում հաջողվել է զգալիորեն նվազեցնել կորուստների մակարդակը (մինչև 7%), ինչը հանգեցրել է այն բանին, որ արդեն 10 տարի վերջնական սպառողների համար սակագինը չի բարձրանում։ Վերջին անգամ այն բարձրացվել է 2016 թվականին՝ 5 դրամով։ Շուկայի բոլոր մասնակիցները, այդ թվում՝ պետական մարմինները, գեհ են եղել ընկերության զարգացման դինամիկայից։ Միայն 2023 թվականին ՀԷՑ-ի ներդրումային ծրագիրն իրականացվել է 93.1% - ով ։ Ընդհանուր առմամբ, բոլոր աշխատանքների որակյալ կատարման մասին են վկայում նաև միջազգային հեղինակավոր խորհրդատվական ընկերությունների տվյալները, որոնք ՀԾԿՀ պատվերով իրականացրել են ֆինանսական և տեխնիկական աուդիտ:
Խոսելով էլեկտրաէներգիայի հաճախակի անջատումների մասին՝ Ղազինյանը նշել է, որ նոր անջատումների մասին հաղորդումներ ներկայացնելիս այսուհետ կնշվեն կոնկրետ պատճառներն ու դրանց համար պատասխանատուները: Օրինակ, երբ հունիսի 27-ին Երևանի սպառողների մոտ 40 տոկոսը մնաց առանց լույսի, ոչ ոք հարց չէր բարձրացնում, թե ում մեղքով է դա տեղի ունեցել։ Իսկ դա տեղի է ունեցել "Բարձրավոլտ էլեկտրահաղորդման գծեր" պետական ՓԲԸ-ի հաշվեկշռում գտնվող "Շահումյան 2" ենթակայանում տեղի ունեցած վթարի պատճառով, բայց արդեն չորս օր է, ինչ պաշտոնատար անձանց կողմից ոչ մի արձագանք չի եղել։
Գլխավոր տնօրենի պաշտոնակատարը նշել է, որ սխալն այն էր, որ ի սկզբանե լայնորեն չէր ներկայացվում Հայաստանի էլեկտրական ցանցերի վիճակը, որպեսզի այսօր հնարավոր լիներ համեմատություն անել:
Նշենք, որ "Տաշիր" ընկերությունների խմբի նախագահ Սամվել Կարապետյանի ձերբակալությունից անմիջապես հետո օրակարգում ընդգրկվել է "Հայաստանի էլեկտրական ցանցեր" ՓԲԸ ազգայնացման հարցը: Այդ ճանապարհին առաջին քայլը պետք է լինի Ազգային ժողովում "Հանրային ծառայությունների մարմնի մասին" և "Էներգետիկայի մասին" գործող օրենքներում փոփոխությունների նախագծի քննարկումը ։ Ինչպես սպասվում է, փաթեթը կքննարկվի ԱԺ արտահերթ նիստում, որը կմեկնարկի հուլիսի 1-ին:
