Արմինֆո. Ազգային ժողովի հուլիսի 1-ի արտահերթ նիստում առաջին ընթերցմամբ սկսվել է օրենքներում փոփոխությունների նախագծի քննարկումը, որոնց նպատակը "Հայաստանի էլեկտրական ցանցեր" ՓԲԸ ազգայնացումն է: Փաթեթը, որը ներառում է "Հանրային ծառայությունները կարգավորող մարմնի մասին" և "Էներգետիկայի մասին" օրենքներում փոփոխություններ, մշակել է "Քաղաքացիական պայմանագիր" խմբակցությունը:
Փոփոխությունները ներկայացնող ԱԺ պատգամավոր Վլադիմիր Վարդանյանի խոսքով ՝ Հանրային ծառայությունները կարգավորող հանձնաժողովի նախագահը ընկերությունների գործունեության լուրջ խախտումների մասին ահազանգեր ստանալու դեպպքում իրավունք կստանա վարույթ հարուցել, որը պետք է հաստատվի ՀԾԿՀ խորհրդի կողմից: Այդ ժամանակահատվածում ՀԾԿՀ-ը կարող է փոխել ընկերության ղեկավարությունը՝ հրավիրելով էներգետիկայի կամ կառավարման ոլորտում առնվազն 5 տարվա աշխատանքային փորձ ունեցող ժամանակավոր մենեջերի։ Ժամանակավոր կառավարիչը կաշխատի մինչեւ ուսումնասիրությունների ժամկետի ավարտը, որի արդյունքներով էներգետիկայի ոլորտի ընկերությունները կամ կառաջարկեն խախտումների վերացման գործողությունների ծրագիր, կամ կզրկվեն լիցենզիայից: Վերջին դեպքում սեփականատերերը պետք է վաճառեն ընկերությունները, ընդ որում, կառավարությանը 3 ամսվա ընթացքում կպահպանի գնման արտոնյալ իրավունք։ Եթե սեփականատերը 2 ամսվա ընթացքում հրաժարվում է վաճառքից, ապա վարչական կարգով կարող է նշանակվել բաժնետոմսերի վաճառքի աճուրդ:
ՀՀ տարածքային կառավարման և ենթակառուցվածքների նախարար Դավիթ Խուդաթյանն այդ առնչությամբ հիշեցրել է ՀՀ վարչապետ Նիկոլ Փաշինյանի կողմից նախկինում տրված հանձնարարականների մասին ՝ էլեկտրաէներգիայի հաճախակի անջատումների և լարման տատանումների հետևանքով երկրի ֆիզիկական և իրավաբանական անձանց կրած վնասները հաշվարկելու վերաբերյալ: Նախարարի խոսքով ՝ իրավիճակն իսկապես օպերատիվ միջամտություն է պահանջում, քանի որ աշխատանքի որակական ցուցանիշներն այնքան են խաթարվել, որ պետք է զանգվածային անջատումներ անել՝ նոր գծեր ու ենթակայաններ կառուցելու համար: Այդ ամենը տարեվերջին կվերածվեր "Էլցանցերի" նկատմամբ մոտ 12,5 մլրդ դրամի տուգանքների ։ Սամվել Կարապետյանն իր քաղաքական հայտարարությունն արեց ընդամենը երեք օր անց այն բանից հետո, երբ կառավարությունը "Էլցանցերին" տեղեկացրեց այս ամենի մասին:
Այսօր ավելի վաղ "Տաշիր" ընկերությունների խումբը հայտարարություն էր տարածել, որի համաձայն, Սամվել Կարապետյանի ընտանիքը ներդրումային վեճ է սկսել Հայաստանի իշխանությունների հետ:
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%