Արմինֆո. ԱՊՀ-ից դուրս գալու Հայաստանի ցանկության մասին ոչ մի ազդակ չի եղել, նման տարբերակը բացառվում է։ Այս մասին ԱՊՀ տնտեսական խորհրդի 106-րդ նիստում ՏԱՍՍ-ին հայտարարել Է կազմակերպության գլխավոր քարտուղար Սերգեյ Լեբեդեւը։
"Ես լիովին բացառում եմ այդ տարբերակը, ոչ մի նշան, որ Հայաստանը պատրաստվում է դուրս գալ ԱՊՀ - ից, ուզում եմ ասել, այնպես, ինչպես նաեւ Ադրբեջանը՝ մենք չունենք",-ասել է նա՝ պատասխանելով կազմակերպությունից Հայաստանի դուրս գալու հնարավորության մասին հարցին՝ ՀՀ վարչապետ Նիկոլ Փաշինյանի ՝ ՀԱՊԿ-ից Հայաստանի հնարավոր դուրս գալու և ԵՄ-ին անդամակցելու ծրագրերի մասին հայտարարությունների ֆոնին:
Լեբեդևն ընդգծել է, որ Հայաստանը շարունակում է մասնակցել ԱՊՀ տարբեր նիստերին: "Այսօր ԱՊՀ տնտեսական խորհրդի նիստին եղել է Հայաստանի լիազոր ներկայացուցիչը, ելույթ է ունեցել ըստ հարցերի էության, լիազորություն է ունեցել ստորագրել մի շարք փաստաթղթեր", - նշել է ԱՊՀ ղեկավարը:
